ბათუმი სარფის დამაკავშირებელი გზა, რომელიც გონიოს ციხესთან 3 საათზე მეტხანს იყო გადაკეტილი – გაიხსნა. გზის გადაკეტვის მიზეზი აქცია იყო, რომელსაც გონიოში მცხოვრები 271 ოჯახი კუთვნილი მიწების დაბრუნების მოთხოვნით მართავდა. გზის გახსნა მას შემდეგ გახდა შესაძლებელი, რაც აქციის მონაწილეებთან აჭარის მთავრობის თავმჯდომარე არჩილ ხაბაძე მივიდა.
აჭარის მთავრობის თავმჯდომარემ თავდაპირველად განაცხადა რომ აქციაზე მისვლას არ გეგმავდა, თუმცა მოგვიანებით გადაწყვეტილება შეცვალა და მოსახლეობას შეხვდა.
აქციის მონაწილეებს არჩილ ხაბაძემ სპეციალური, სამთავრობო კომისიის შექმნა შესთავაზა, რომელ კომისიაშიც გონიოს მცხოვრებთა წარმომადგნელებიც ჩაერთვებიან.
ხაბაძესთან შეხვედრის შემდეგ მოსახლეობამ ცენტრალური მაგისტრალი გაათავისუფლა.
