ხატია სალვარიძე იოანე მინჩხის ჰიმნოგრაფიულ ნაწარმოებებზე მუშაობდა, ხატია ამბობს რომ მისთვის თემაზე მუშაობა რთული იყო: “რთულია რადგან თემა სათუთია, სიძველეებთან გვაქვს საქმე, საკმაოდ ღრმა კვლევა ჭირდებოდა ამ პროექტს. ჰიმნოგრაფია ჩემთვის საინტერესოა, რადგან ეს ეხება, ძველ რელიგიურ მწერლობას, ვფიქრობ საინტერესო გამოვიდა, ჩვენც დიდი ცოდნა შევიძინეთ.”
მეცხრე კლასელებს პროექტის განხორციელების იდეა ქართული ენისა და ლიტერატურის პედაგოგმა ხათუნა ხუნდაძემ მიაწოდა: “აპრილის თვეში ჩვენთან იმართება ქართული ენის კვირეული, მეცხრე კლასელები წელს პირველად გადიოდნენ ჰაგიოგრაფიულ ნაწარმოებებს, აქედან გაჩნდა იდეა რომ უფრო ღრმად გასცნობოდნენ ქართულ ჰაგიოგრაფიას.”
როგორც პედაგოგი ამბობს მოსწავლეებისთვის საკმაოდ რთული სამუშაო იყო თემატიკიდან გამომდინარე.
“უფრო მეტად მაპროვოცირებელი გახდა მოსწავლეებისთვის მასალის სირთულე, პროექტში ცხრა მოსწავლე მონაწილეობს,” – ამბობს ხათუნა ხუნდაძე. მოსწავლეები პროექტზე ერთი თვის განმავლობაში მუშაობდნენ.
პროექტის მასპინძელი ილია ჭავჭავაძის მუზეუმი იყო: “მუზეუმი თანამშრომლობს ქალაქის კერძო და საჯარო სკოლებთან, ჩვენ ერთობლივათ ვმუშაობთ პროექტებზე. საინტერესო ნამუშევარი გამოვიდა,” – ამბობს ნაირა ჩხარტიშვილი, მუზეუმის გამგე.
