Batumelebi | ხელვაჩაურის საკრებულოს თავმჯდომარეს პატიმრობიდან დღეს გაათავისუფლებენ ხელვაჩაურის საკრებულოს თავმჯდომარეს პატიმრობიდან დღეს გაათავისუფლებენ – Batumelebi
RU | GE  

ხელვაჩაურის საკრებულოს თავმჯდომარეს პატიმრობიდან დღეს გაათავისუფლებენ

 

ხელვაჩურის მუნციპალიტეტის საკრებულოს თავმჯდომარეს, მალხაზ ფარტენაძეს პატიმრობიდან დღეს გაათავისუფლებენ-ამის შესახებ “ბათუმელებს” ინფორმაცია მისმა ადვოკატმა რამინ პაპიძემ მიაწოდა.

 

ადვოკატის განმარტებით, დღეს სასამართლო განიხილავს დაცვის მხარის შუამდგომლობას, ისინი საკრებულოს თავმჯდომარის მამაპაპისეული სახლის იპოთეკით დატვირთვას მოითხოვენ. 

 

მას შემდეგ რაც უძრავ ქონებას, ამ შემთხვევაში ხელვაჩაურში მდებარე კერძო სახლს იპოთეკით დატვირთავს სასამართლო, განჩინების ასლს ჯერ საჯარო რეესტრში დაარეგისტრირებენ, მოგვიანებით კი პროკურორი  სასჯელაღსრულების დაწესებულებას წერილს გაუგზავნის, პატიმრობიდან მალხაზ ფარტენაძის გათავისუფლების შუამდგომლობით. 

 

 ხელვაჩაურის საკრებულოს თავმჯდომარის მალხაზ ფარტენაძის ადვოკატის დალი ჭანიძის ინფორმაციით, მალხაზ ფარტენაძე მისთვის წაყენებულ ბრალდებას უარყოფს.  

 

გამოძიება დიდი ოდენობით ქრთამის აღების ფაქტზე მიმდინარეობს (სსსკ-ის 338-ე მუხლის მე-3 ნაწილის ,,ე“ ქვეპუნქტით) რაც 11-დან 15 წლამდე თავისუფლების აღკვეთას ითვალისწინებს.  

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა