Batumelebi | საგზაო უსაფრთხოების კამპანია ბათუმში საგზაო უსაფრთხოების კამპანია ბათუმში – Batumelebi
RU | GE  

საგზაო უსაფრთხოების კამპანია ბათუმში

 

„თავისუფალ ჟურნალისტთა სახლის“ ბაზაზე არსებული „ბათუმის ახალგაზრდული ცენტრი“ ბათუმის საპატრულო პოლიციასთან ერთად საგზაო უსაფრთხოების თემაზე ადვოკატირების კამპანიას იწყებს. 

 

30 მარტს 11:00 საათზე, პრესკაფეში (ბათუმი, მელაშვილისა და საბაჟოს შესახვევი 1/2) გაიმართა  კამპანიის პირველი ეტაპი,ახალგაზრდებისთვის ტრენინგ-სემინარი  ქვეითად მოსიარულეთა უფლებების თემაზე საპატრულო პოლიციის თანამშრომლებმა ჩაატარეს.

 

 ადვოკატირების მეორე ეტაპზე ახალგაზრდები ბათუმის 4 საჯარო სკოლაში დაწყებითი საფეხურის მოსწავლეებისათვის თავად ჩაატარებენ თანატოლთა ტრენინგს.

 

 

დასკვნით ეტაპზე თვეში 2-ჯერ გაიმართება საინფორმაციო აქცია რომლის დროსაც ახალგაზრდები და საპატრულო პოლიციის წარმომადგენლები ერთობლივად მიიღებენ მონაწილეობას საგზაო ნაკადების მოწესრიგებაში.

 

 

ადვოკატირების კამპანია ტარდება საზოგადოების ცნობიერების ამაღლების მიზნით ქვეითად მოსიარულეთა უფლებებისა და საგზაო უსაფრთხოების დასაცავად.

 

 აქტივობა ხორციელდება პროექტის ფარგლებში „ეროვნული ინტეგრაციის გაძლიერება საქართველოში“[ANI], რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

ნეტგაზეთის მასალების სხვა გამოცემებში გადაბეჭდვის წესი
ნათია როყვა