Batumelebi | როგორი იქნება ბათუმის ახალი რკინიგზის სადგური როგორი იქნება ბათუმის ახალი რკინიგზის სადგური – Batumelebi
RU | GE  

როგორი იქნება ბათუმის ახალი რკინიგზის სადგური

 

ბათუმის  ახალი რკინიგზის სადგურის სამშენებლო-სარემონტო  სამუშაოები თამარის დასახლებაში რამდენიმე თვეში უნდა დასრულდეს. 

 

 

დიმიტრიადის ქუჩაზე არსებული კომპლექსი 23 000 კვმ ტერიტორიას მოიცავს. შენობის ზედა სართულებზე  სავაჭრო ცენტრის  –  მაღაზიების, სწრაფი კვების ობიექტების და რესტორნების, საბანკო სერვისისა და გასართობი  ცენტრების გახსნაა დაგეგმილი.

 

პროექტის ღირებულება 8 მილიონი აშშ დოლარია. სადგურსა და ბიზნესცენტრში 200 ადამიანი უნდა დასაქმდეს.  კომპლექსში პირველ სართულზე რკინიგზის სადგურს  1000 კვ/მ დაეთმობა, სადაც მოეწყობა რკინიგზის მომსახურების სერვისცენტრი, ოფისებითა და სალაროებით.  მგზავრთა მოსაცდელი დარბაზი 150 ადამიანისთვის. ავტო სადგურისათვის კომპლექსში გათვალისწინებულია 15 საოფისე ფართი სატრანსპორტო-სამგზავრო კომპანიებისათვის. მოეწყობა  ავტოსადგომი 22 ავტობუსისთვის. დღე-ღამის განმავლობში კი 600 ავტობუსის გატარება იქნება შესაძლებელი.

 

 ბიზნესცენტრს შპს „Georgia Inn“  22 706 კვ. მეტრზე აშენებს,   ოთხსართულიანი შენობა 4200 კვ/მ ფართზე განთავსდება.    სხვადასხვა დანიშნულების კომერციულ ობიექტებს 4300 კვ/მ დაეთმობა.

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"