Batumelebi | აქცია „ერთად დავამარცხოთ ტუბერკულოზი“ აქცია „ერთად დავამარცხოთ ტუბერკულოზი“ – Batumelebi
RU | GE  

აქცია „ერთად დავამარცხოთ ტუბერკულოზი“

 

დღეს, 15 :00 საათზე ბათუმის დემოკრატიული ჩართულობის ცენტრი, ტუბერკულოზის პრევენციის პროგრამა (URC) და ბათუმის განათლების, განვითარების და დასაქმების ცენტრი ტუბერკულოზის მსოფლიო დღისადმი მიძღვნილ კვირეულს აღნიშნავს.

შეხვედრის მიზანია დაავადების არსის, მისი პრევენციისა და მასთან ბრძოლის შესახებ საზოგადოების ცნობიერების ამაღლება.

 

შეხვედრაში მონაწილეობას მიიღებს აჭარაში ტუბერკულოზის ეროვნული პროგრამის კოორდინატორი,  ექიმი დიმიტრი ცეცხლაძე. შეხვედრას ასევე დაესწრებიან არასამთავრობო ორგანიზაციების წარმომადგენლები, სკოლის მოსწავლეები,  უნივერსიტეტის სტუდენტები და ჟურნალისტები.

 

დისკუსიაზე მონაწილეები იმსჯელებენ  ტუბერკულოზის დაავადების ისტორიის, მისი გამომწვევი მიზეზების  და სავარაუდო პრევენციის საშუალებებზე.

ასევე ნაჩვენები იქნება დოკუმენტური ფილმი ტუბერკულოზით დაავადებულ ახალგაზრდა ბიჭზე. შეხვედრის დასასრულს,  მონაწილეებს დაურიგდებათ საინფორმაციო ხასიათის ბუკლეტები და ჩატარდება ერთჯერადი აქცია „ერთად დავამარცხოთ ტუბერკულოზი.“

 

ტუბერკულოზის მსოფლიო  დღე ყოველწლიურად 24 მარტს აღინიშნება. 1882 წლის 24 მარტს რობერტ კოხმა აღმოაჩინა  ტუბერკულოზის გამომწვევი ბაცილა, რითიც შესაძლებელი გახდა ტუბერკულოზის დიაგნოსტირება  და მკურნალობა.

ტუბერკულოზის მსოფლიო დღის ისტორია  1982 წლიდან იწყება, როდესაც ტუბერკულოზისა  და ფილტვის დაავადებების საწინააღმდეგო საერთაშორისო კავშირმა, კოხის აღმოჩენის 100 წლისთავთან დაკავშირებით, 24 მარტი ტუბერკულოზის მსოფლიო დღედ გამოაცხადა.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"