Batumelebi | დღეს ტუბერკულოზის საერთაშორისო დღეა დღეს ტუბერკულოზის საერთაშორისო დღეა – Batumelebi
RU | GE  

დღეს ტუბერკულოზის საერთაშორისო დღეა

 

  24 მარტი ტუბერკულოზთან ბრძოლის საერთაშორისო დღეა.    

1982 წლის 24 მარტს გერმანელი მეცნიერის რობერტ კოხის მიერ გაკეთებული უდიდესი აღმოჩენიდან 100 წლისთავი აღნიშნება.  ამ დღის აღნიშვნა მიზნად ისახავს ტუბერკულოზის გლობალური ეპიდემიის შესახებ საზოგადოების ცნობიერების ამაღლებას. 

აჭარის მასშტაბით ტუბერკულოზზე პირველად შემოწმებას თვეში 25-მდე პაციენტი გადის. 

დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის სამმართველოს ხელმძღვანელის ნინო გუგუშვილის ინფორმაციით, ტუბერკულოზზე მკურნალობა სახელმწიფო პროგრამის ფარგლებში ხორციელდება.  „მთლიანად ფინანსდება მკურნალობა, სრული დიაგნოსტიკა  და  ტრანსპორტირებაც კი.  პირველი იანვრიდან კი ბათუმში დაიწყო სწრაფი დიაგნოსტიკა მოლეკულური მეთოდით, რომელიც საჭიროებს დაუყოვნებლივ ტესტირებას“.

ნინო გუგუშვილის განცხადებით, ტუბერკულოზზე მკურნალობის მონაცემები აჭარაში ბოლო ორ წელიწადში სტაბილურია.   „ყოველწლიურად შემოსული ნიმუშების საერთო რაოდენობა  750-800 შეადგენს. პაციენტთა რაოდენობა საშუალოდ 400-450-ია აჭარის მასშტაბით.  პირველად დიაგნოსტიკაზე მოსულ პაციენტთა რაოდენობა კი თვეში დაახლოებით 25 -ია“.

როგორც სამმართველოს ხელმძღვანელი ამბობს, ლაბორატორია არის ბიოუსაფრთხოებისა და ბიოდაცვის თანამედროვე პრინციპების აგებული  და მთლიანად აჭარის რეგიონს ემსახურება.  

ტუბერკულოზის საერთაშორისო დღე

ნეტგაზეთის მასალების სხვა გამოცემებში გადაბეჭდვის წესი
"ბათუმელები"