Batumelebi | ბათუმის ქუჩების კეთილმოწყობა გრძელდება ბათუმის ქუჩების კეთილმოწყობა გრძელდება – Batumelebi
RU | GE  

ბათუმის ქუჩების კეთილმოწყობა გრძელდება

 

ბათუმის ქუჩების კეთილმოწყობა გრძელდება. ამჟამად აეროპორტის გზატკეცილის მიმდებარე ტერიტორიის კეთილმოწყობის სამუშაოები მიმდინარეობს. აღნიშნულ მონაკვეთზე სანიაღვრე არხის რეაბილიტაცია ხდება. 

 

სამუშაოების დასრულების შემდეგ არხი დაიხურება ლითონის ცხაურით. ამასთან მოეწყობა მიმდებარე ტერიტორიაზე არსებული სკვერი.  სარეაბილიტაციო სამუშაოები მარტის ბოლოს დასრულდება.  სამუშაოებს, რომლის ღირებულება 24 ათას 500 ლარია,   ტენდერში გამარჯვებული კომპანია ,,მშენებელი 2014“ ასრულებს.  

 

კეთილმოწყობის სამუშაოები მიმდინარეობს კობალაძის ქუჩაზეც. კობალაძის ქუჩის რეაბილიტაციისათვის ბიუჯეტიდან 272 ათას 569  ლარი დაიხარჯება. სამუშაოებს  ტენდერში გამარჯვებული კომპანია ,,ჯი აი დი“ ასრულებს.

 

დაწყებულია შარაშიძის ქუჩის მონაკვეთის (ურეხის მიმართულებით) მოასფალტების სამუშაოებიც და მათი დასრულება მიმდინარე წლის 30 აპრილამდეა გათვალისწინებული. სამუშაოებს ტენდერში გამარჯვებული კომპანია ,,გზები“ ასრულებს. ასევე მიმდინარეობს აღმაშენებლის, ბაგრატიონისა და ერისთავის ქუჩების რეკონსტრუქცია, ჰელიმიშის ქუჩის რეაბილიტაცია.

 

ბათუმში გზების, ქუჩებისა და ტროტუარების კეთილმოწყობისთვის მიმდინარე წლის ბიუჯეტში 11 მილიონ 81 ათასი ლარია გათვალისწინებული.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"