სიახლეები

გონიოს მოსახლეობა მიწების დაბრუნებას ითხოვს

17.03.2014 • 1973
გონიოს მოსახლეობა მიწების დაბრუნებას ითხოვს

„ხელისუფლებას იმიტომ მივეცით ხმა, რომ ჩვენი საკუთრება დაებრუნებინა. თუ ისინი სკამებისთვის იბრძვიან, ჩვენ ჩვენი საკუთრებისთვის ვიბრძვით. მიწა გვინდა, რომ დავთესოთ და საკვები მოვიყვანოთ“, – ამბობს აქციის ერთ-ერთი მონაწილე  მარინა ხალვაში.

აქციის მონაწილეები ამბობენ, რომ სანამ მათი საკუთრების საკითხს ხელისუფლება მათ სასარგებლოდ არ გადაწყვეტს, აქციებს გააგრძელებენ:

„მიწებს ვითხოვთ. ოჯახზე 2500 კვ/მ  იყო გამოყოფილი და წაგვართვეს. როცა ხელისუფლებას ხმები სჭირდებოდა, მიწები გადმოგვცეს, მაგრამ ორი წლის შემდეგ ისევ წაგვართვეს. მოვითხოვთ, რომ საკუთრება დაგვიბრუნონ. წერილები გავუგზავნეთ პარლამენტის თავმჯდომარესაც, მაგრამ მათ აჭარის მთავრობასთან გადმოაგზავნეს. ხომ უნდა დაგვიკანონონ, მიწის დამუშავება  რომ დავიწყოთ“, – ამბობს ამირან ზოიძე.

„მეც 2500 კვ. მ. მიწა მქონდა. ახალი ხელისუფლება არჩევნებამდე შეგვპირდა, რომ სააკაშვილის მიერ წართმეულ მიწებს დაგვიბრუნებდა. ახლა მოვედით, რომ ეს დაპირება შევახსენოთ.  მიწა ყოფილმა პრეზიდენტმა გადმოგვცა, რაიონის მიწის აღიარების კომისიამ კი წაგვართვა. ბოსტნები წაგვართვეს, ბოსლები დაგვინგრიეს და ბლოკადაში მოგვაქციეს. რით ვიარსებოთ?“ – გვეუბნება ნიაზ ფუტკარაძე.

მთავრობის სახლის წინ, საპროტესტო აქცია ამ წუთებშიც მიმდინარეობს.

საპროტესტო აქცია მთავრობის სახლთან

გადაბეჭდვის წესი


ასევე: