სიახლეები

ალიკა ინწკირველმა ბულვარში სამუშაოები დროებით შეაჩერა

15.03.2014 • 3148
ალიკა ინწკირველმა ბულვარში სამუშაოები დროებით შეაჩერა

GE DIGITAL CAMERA

ბულვარში, ყოფილი ბუნგალოს ტერიტორიაზე მრავალწლიანი ხეებით გაშენებული მიწის ფართი  შემოღობილია და ერთ მეტრამდე მიწაა გათხრილი. ამ ადგილას ბიზნესმენი ალიკა ინწკირველი კაფე-ბარისა და საკონცერტო დარბაზის მშენებლობას გეგმავს, თუმცა მშენებლობის ადგილას არ არის განთავსებული საინფორმაციო ბანერი, სადაც წარმოდგენილი იქნება პროექტი და სამშენებლო კომპანიის დასახელება.

ბიზნესმენი  უარყოფს ინფორმაციას, რომ მშენებლობისას ხეები მოიჭრა.

„არც ერთი ხე არ დაზიანდება, მე ვარ დაინტერესებული და პასუხისმგებელი, რომ ეს არ მოხდება“ – განაცხადა ალიკა ინწკირველმა.  მისივე თქმით, კუნძი, რომელიც ადგილზე იყო, ძველია და მათ იგი მიწიდან ამოიღეს.

ალიკა ინწკირველის თქმით, პროექტის ღირებულება  700 000 დოლარია.

1127 კვ.მ  მიწის ნაკვეთზე აუქციონი აჭარის ფინანსთა და ეკონომიკის სამინისტრომ 2014 წლის 14 იანვარს გამოაცხადა და ნაკვეთი 20 წლით გაასხვისა. აუქციონში გამარჯვებულმა საზოგადოებრივი დანიშნულების ობიექტის ამოქმედება მიმდინარე წლის 1 ივლისამდე უნდა უზრუნველყოს. ბიზნესმენი ვალდებულია ობიექტს პროფილი 20 წლით, სეზონურად (წელიწადში არანაკლებ 3 თვე) შეუნარჩუნოს.

ამ დროისათვის მშენებლობა შეჩერებულია. ალიკა ინწკირველის თქმით, იგი ხვალ გააკრავს საინფორმაციო ბანერს და მუშაობს გააგრძელებს.

გადაბეჭდვის წესი


ასევე: