ნაპირსამაგრი სამუშაოების დროს ბულვარში სატვირთო ავტომობილი გადაბრუნდა [ფოტო]

დღეს, 30 მარტს, რამდენიმე წუთის წინ, ნაპირსამაგრი სამუშაოების მიმდინარეობისას, ახალი ბულვარის მიმდებარედ, პლაჟზე სატვირთო ავტომობილი გადაბრუნდა.

ნაპირგამაგრ სამუშაოებს ჰოლანდიური კომპანია  STRUIJK GROUP ატარებს.

ნაპირდაცვის პროექტს ბათუმში მუნიციპალური განვითარების ფონდი ახორციელებს. პროექტის მთავარი მიზანი ბათუმის სანაპირო ზოლის ეროზიისაგან დაცვაა. აჭარის მთავრობის ინფორმაციით, „ბათუმის სანაპირო განიცდის ძლიერ ეროზიას დაახლოებით 2,5 კმ სირგძეზე. ბათუმის ნაპირდაცვის პროექტი ითვალისწინებს დაახლოებით  2 კმ ნაპირსამაგრი ნაგებობის მოწყობას და სანაპიროს აღდგენას ქვიშა-ხრეშოვანი ნარევით. ბულვარის აღდგენილ სანაპირო ზოლთან დაკავშირების მიზნით მოეწყობა 12 ერთეული საფეხმავლო ხიდი, რომლის სიგრძე 20 მეტრი იქნება, ხოლო სიგანე 1,5 მეტრი“.

პროექტის დასრულება 2018 წელს იგეგმება.

მშენებლობა რეგიონში განსახორციელებელი პროექტების ფონდიდან  30 მლ ლარით ფინანსდება.

ამავე თემაზე: ნაპირდაცვა თუ ბათუმის სანაპიროს ეკოლოგიური დასახიჩრება – რა შემთხვევაში ემუქრება წარეცხვა ძველ ბულვარს