დღეს ბათუმში ევროკავშირის ფილმების ფესტივალი იწყება. ფესტივალი კინოთეატრ „აპოლოში“ დღის 4 საათზე ტასოს ბულმეტისის ფილმით „სანალებლების გემო“ გაიხსნება.
დღესვე 18:00 საათზე ნაჩვენები იქნება შტეფან ტოლცის ფილმი „სრული სვლით დასავლეთისკენ – საქართველო მომავლის ძიებაში“.
ევროკავშირის კინოფესტივალი 16 თებერვლის ჩათვლით გაგრძელდება. ფესტივალზე ის ფილმები იქნება წარმოდგენილი, რომელიც საქართველოში ევროკავშირის წარმომადგენლობამ შეარჩია. ჯამში სულ 24 ფილმი იქნება ნაჩვენები.
