7 თებერვალს რიგაში საერთაშორისო ტურისტული გამოფენა ”BALTTOUR-2014” გაიხსნა. მასში მონაწილეობას აჭარის ტურიზმისა და კურორტების დეპარტამენტიც იღებს. აჭარა გამოფენაზე ტურიზმის ეროვნულ ადმინისტრაციასთან ერთადაა წარმოდგენილი.
„გამოფენაში მონაწილეობის მიზანი აჭარის ტურისტული პოტენციალის პოპულარიზაცია და რეგიონით დაინტერესებულ ახალ ტურისტულ კომპანიებთან კავშირების დამყარებაა,“ – ნათქვამია აჭარის ტურიზმის დეპარტამენტის მიერ გავრცელებულ პრესრელიზში.
საერთაშორისო გამოფენა “BALTTOUR-2014” ბალტიისპირეთის მთავარ ტურისტულ ფორუმად არის აღიარებული. ოფიციალური სტატისტიკის მიხედვით, ბოლო წლებში, აქართველოში ბალტიისპირეთის ქვეყნებიდან შემოსულ ტურისტთა რაოდენობა განსაკუთრებითაა გაზრდილი.
