Batumelebi | სოციალურად დაუცველები ფინანსთა მინისტრს პასუხს სთხოვენ სოციალურად დაუცველები ფინანსთა მინისტრს პასუხს სთხოვენ – Batumelebi
RU | GE  

სოციალურად დაუცველები ფინანსთა მინისტრს პასუხს სთხოვენ

 

აჭარის ფინანსთა და ეკონომიკის სამინისტროსთან ხელვაჩაურის ყოფილ ტერიტორიაზე თვითნებურად ჩასახლებულმა მოსახლეობამ აქცია გამართა. ისინი მინისტრისგან პასუხს მოითხოვდნენ, რადგან მათ დღემდე არ მიეწოდებათ ელექტროენერგია.  ამ პრობლემის მოგვარება აჭარის მთავრობის თავმჯდომარემ ჯერ კიდევ 17 იანვარს დაავალა ფინანსთა და ეკონომიკის სამინისტროს, რადგან ტერიტორია, სადაც თვითნებურად ჩასახლებული მოსახლეობა ცხოვრობს, ეკონომიკის სამინისტროს ეკუთვნის. 

 

„17 იანვარს მოსახლეობა და  „ენერგო პრო- ჯორჯიას“ წარმომადგენლები ერთად ვიყავით   მთავრობაში მისული. მაშინ შეგვპირდნენ, რომ შუქს ჩაგვირთავდნენ. არჩილ ხაბაძემ ეკონომიკის სამინისტროს წერილობითაც მიმართა, რომ ჩვენთვის შუქის ჩართვის ნებართვა გაეცათ, რადგან ტერიტორია ამ სამინისტროს საკუთრებაშია. თუმცა, პრობლემა ამ დრომდე არ მოუგვარებიათ.  თოთო ბავშვებით  ამ ზამთარში უშუქოდ ვცხოვრობთ და ძალიან გვიჭირს“-  ამბობს აქციაზე მოსული ჟუჟუნა მოსიძე.  

 

 

აქციას უფლებადამცველი თამაზ ბაკურიძე ხელმძღვანელობდა. მისი განცხადებით,   ოპიზრებისა და ქიქავას ქუჩაზე, მე-10 ტრესტის შენობაში,  25-ე და 53-ე ბატალიონში მცოვრებლებისთვის დენი ამ დრომდე უნდა მიეწოდებინათ.

 

 

 „ჩვენ მოვედით მიზეზების გასარკვევად, თუ რატომ არ ჩაურთეს მოსახლეობას შუქი“- განაცხადა ბაკურიძემ.

 

 

ფინანსთა და ეკონომიკის სამინისტროს განცხადებით, აქციის მონაწილეებს ისინი ხვალ, 11 საათზე შეხვდებიან.   

 

აქციის მონაწილეები

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი