სოციალურად დაუცველები თავშესაფარს მოითხოვენ. ისინი საკრებულოს თავმჯდომარეს ირაკლი ჩავლეიშვილსაც შეხვდენ.
„აქედან მანამდე არ წავალთ სანამ არ დააკმაყოფილებენ ჩვენს მოთხოვნას“-განაცხადა სოციალურად დაუცველმა შუშანა შაინიძემ. ის ამბობს, რომ ქირის საფასურს ვერ იხდის, რის გამოც ბინიდან ასახლებენ.
ირაკლი ჩავლეიშვილმა “ბათუმელებს“ უთხრა, რომ ორ ოჯახს მახინჯაურის ტერიტორიაზე არსებულ შენობაში შესვლა შესთავაზა, მათ კი პირობები დაიწუნეს და უარი განაცხადეს.
„ამ ადამიანებს შევთავაზეთ მახინჯაურის დედათა და ბავშვთა სარეაბილიტაციო ცენტრში დღესვე გადაყვანა, რომელიც გარემონტებულია, არის ცალკე ოთახი, ტელევიზორით, თბილი წყლით, მაგრამ უარი გვითხრეს. მათი მოთხოვნაა ბინების საკუთრებაში გადაცემა. ჩვენ საბინაო ფონდი გვაქვს, მაგრამ ასე ვერ დავარიგებთ მათ, რადგან 1700 ოჯახი დგას აღრიცხვაზე, რომელებიც ასევე მოითხოვენ ბინებს“.
