Batumelebi | 402 განცხადება 10 ვაკანსიაზე უმაღლეს საბჭოში 402 განცხადება 10 ვაკანსიაზე უმაღლეს საბჭოში – Batumelebi
RU | GE  

402 განცხადება 10 ვაკანსიაზე უმაღლეს საბჭოში

 

 

აჭარის უმაღლეს საბჭოში ვაკანტური თანამდებების დასაკავებლად გამოცხადებულ საჯარო მოხელეთა  კონკურსში ათ ვაკანსიაზე 402 განცხადებაა შესული. ყველაზე მეტი – 64 განცხადება საორგანიზაციო და საქმის წარმოების დეპარტამენტის საორგანიზაციო განყოფილების უფროსი სპეციალისტის ვაკანსიაზეა შესული. მეორე მოთხოვნადი თანამდებობა, სადაც 62 განცხადებაა შესული, ადამიანის უფლებათა დაცვის საკითხთა კომისიის აპარატის წამყვანი სპეციალის ადგილი აღმოჩნდა. 

როგორც აჭარის უმაღლესი საბჭოს პრესსამსახურში აცხადებენ, კონკურსის პირველი ტურის შედეგები დღეს გახდება ცნობილი. „დღის მეორე ნახევარში საკონკურსო კომისიის სხდომა იქნება, გაფორმდება ოქმი, რომელშიც მეორე ტურში გადასული კონკურსანტების ვინაობა ჩაიწერება, დღის ბოლოს კი კონკურსანტების ვინაობის შესახებ ინფორმაცია ვებ-გვერდზე აიტვირთება“.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე