Batumelebi | პარლამენტი ავტოპარკის გამართვაში ნახევარ მილიონამდე ლარს დახარჯავს პარლამენტი ავტოპარკის გამართვაში ნახევარ მილიონამდე ლარს დახარჯავს – Batumelebi
RU | GE  

პარლამენტი ავტოპარკის გამართვაში ნახევარ მილიონამდე ლარს დახარჯავს

 

 

საქართველოს პარლამენტის აპარატი ავტომანქანებისა და მათთან დაკავშირებული მოწყობილობების შეკეთება-ტექ-მომსახურებისთვის 414 ათას 655 ლარზე ხელშეკრულებას 23 იანვრამდე გააფორმებს. 

 

პარლამენტის მიერ გამოცხადებულ ტენდერში მხოლოდ ერთი კომპანია: შპს „იბერია ავტოჰაუსი“ მონაწილეობდა, რომელიც გამარჯვებულად გამოცხადდა. 

 

„იბერია ავტოჰაუსი“ 2004 წელში მცხეთაშია რეგისტრირებული.  ის სხვადასხვა საჯარო სამსახურების მიერ ავტოპარკის ტექნიკურ გამართულობაზე გამოცხადებულ ტენდერებში ხშირად იმარჯვებს.

 

ბოლო სამი წლის განმავლობაში შესაბამისი ხელშეკრულებები კომპანიას  გაფორმებული ჰქონდა საქართველოს პარლამენტთან, სახალხო დამცველის აპარატთან, შსს დაცვის პოლიციის დეპარტამენტთან, ამავე სამინისტროს მომსახურების სააგენტოსთან, თბილისის მთავარ სამმართველოსთან,  სახელმწიფო დაცვის სპეციალურ სამსახურთან, ფინანსთა სამინისტროსთან და სხვა უწყებებთან.

 

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე