სიახლეები

ანაზღაურებადი სტაჟირება სტუდენტებისთვის აჭარის აგროსერვის ცენტრში

17.02.2017 • 4129
ანაზღაურებადი სტაჟირება სტუდენტებისთვის აჭარის აგროსერვის ცენტრში

აგრარული მიმართულების სტუდენტებისთვის აჭარის სოფლის მეურნეობის სამინსიტრო ანაზღაურებად სტაჟირებას აცხადებს. სტუდენტები 6 თვით იმუშავებენ აჭარის აგროსერვისცენტში და მათი ანაზღაურება თვეში 250 ლარი იქნება. სტაჟირების პროგრამის პრეზენტაცია დღეს, 17 თებერვალს, შედგა ბათუმის შოთა რუსთაველის უნივერსიტეტში, სადაც სტუდენტებს სტაჟირებაზე აჭარს სოფლის მეურნეობის მინისტრი ლაშა კომახიძე და აგროსერვის ცენტრის დირექტორი გოჩა ბერიძე  ესაუბრნენ.

6-თვიანი, ანაზღაურებადი სტაჟირების მიზანი სოფლის მეურნეობაში კვალიფიციური კადრების მომზადება და პროფესიული განვითარების  ხელშეწყობაა.  პროგრამით  გათვალისწინებულია 10 სტაჟიორის მიღება. მათ შორის: ზოგადი აგრონომიის მიმართულება -3 სტუდენტი; მცენარეთა დაცვა-2 სტუდენტი; მესათბურეობა – 2 სტუდენტი; მექანიზაცია-2 სტუდენტი; ვეტერინარია-1 სტუდენტი;

სტაჟირების გასავლელად 6 თვის ვადით მიიღება უმაღლესი განათლების მქონე პირი ან/და უმაღლესი საგანმანათლებლო დაწესებულების სტუდენტი.

სტაჟირების გავლის სურვილის მქონე კანდიდატმა აგროსერვისცენტრის სტაჟირების კომისიას უნდა წარუდგინოს კომისიის სახელზე შედგენილი განაცხადი, რომელსაც თან უნდა ერთვოდეს: CV ან ავტობიოგრაფია, პირადობის დამადასტურებელი მოწმობის ასლი, დიპლომის ასლი (ცნობა უმაღლესი სასწავლებლიდან),  1 ფერადი ფოტოსურათი (3–4), რეკომენდაცია დეკანატიდან,  სტუდენტის აქტივობები (რეფერატები; კონფერენციებში მონაწილეობა და ა.შ), საკვალიფიკაციო მიმართულებები,
სასურველია უცხო ენების ცოდნა.

განაცხადების მიღება წარმოებს 2017 წლის 1 მარტიდან  2017 წლის 10 აპრილის ჩათვლით, ,,აგროსერვის ცენტრის’’ ადმინისტრაციულ – ფინანსურ განყოფილებაში. მის: ქ. ბათუმი, გოგებაშვილის ქ. №46ა  II სართული.

ფოტოზე: აგროსერვისცენტრის სტაჟირების პროგრამის პრეზენტაცია. ფოტო: bsu.edu.ge

გადაბეჭდვის წესი


ასევე: