Batumelebi | საარსებო მინიმუმი ერთ თვეში 4,7 ლარით გაიზარდა საარსებო მინიმუმი ერთ თვეში 4,7 ლარით გაიზარდა – Batumelebi
RU | GE  

საარსებო მინიმუმი ერთ თვეში 4,7 ლარით გაიზარდა

შრომისუნარიანი ასაკის მამაკაცის საარსებო მინიმუმი მიმდინარე წლის იანვრისთვის 166 ლარი და 30 თეთრს შეადგინა, რაც 4 ლარითა და 70 თეთრით მეტია გასული წლის დეკემბრის თვის ანალოგიურ მაჩვენებელზე [161,6 ლარი].

მიმდინარე წლის იანვრის თვის მიხედვით, საშუალო მომხმარებლის საარსებო მინიმუმი 147,3 ლარით, საშუალო ოჯახის საარსებო მინიმუმი კი – 278,9 ლარით განისაზღვრა.

ბოლო მონაცემების მიხედვით, ოჯახების საარსებო მინიმუმი სულადობის მიხედვით:
  • ერთსულიანი – 147,3 ლარი,
  • ორსულიანი – 235,6 ლარი,
  • სამსულიანი – 265,1 ლარი,
  • ოთხსულიანი – 294,5 ლარი,
  • ხუთსულიანი – 331,4 ლარი,
  • ექვსსულიანი და მეტი ოჯახისთვის – 391,7 ლარი.

შრომისუნარიანი ასაკის მამაკაცის საარსებო მინიმუმი 2010-17 წლებში [აღებულია იანვრის თვის მონაცემები]

საქსტატის მონაცემების მიხედვით / ია ფრანგიშვილის ინფოგრაფიკა

საქსტატის მონაცემების მიხედვით / ია ფრანგიშვილის ინფოგრაფიკა

საქსტატი საარსებო მინიმუმის მაჩვენებლებს ანგარიშობს იმ მინიმალური სასურსათო კალათის მიხედვით, რომელიც განსაზღვრულია საქართველოს შრომის, ჯანმრთელობისა და სოციალური დაცვის მინისტრის 2003 წლის 8 მაისის ბრძანების შესაბამისად.


საარსებო მინიმუმი – ეს არის ფულადი სახსრების მინიმუმი, რომელიც აუცილებელია ადამიანის ქმედუნარიანობის შენარჩუნებისთვის. იგი გამოხატავს საზოგადოებრივად აუცილებელი ცხოვრების დონის ქვედა ზღვარს. მისი გაანგარიშების მეთოდიკა ეფუძნება მინიმალური სამომხმარებლო ბიუჯეტის შექმნას, რომელიც საშუალო სიდიდის ოჯახის ან ერთი მომუშავის შემოსავლებისა და გასავლების ბალანსს წარმოადგენს

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com