მათთვის პრეს-კონფერენცია გამართა აჭარის მთავრობის თავმჯდომარემ არჩილ ხაბაძემ.
მთავრობის თავმჯდომარემ უცხოელ ჟურნალისტებს მიმდინარე საქმიანობა და სამომავლო გეგმები, ასევე რეგიონის ეკონომიკური და ტურისტული პოტენციალი, გააცნო. ჟურნალისტები უკრაინული მედია საშუალებებისთვის სხვადასხვა ფორმატის გადაცემასა და ბეჭდურ მასალას მოამზადებენ.
პრეს-კონფერენციის შემდეგ მედიის წარმომადგენლებმა აჭარის ღვინის სახლში ჩამოსხმული საექსპორტო ღვინო დააგემოვნეს, რომელიც ადგილობრივი უნიკალური ჯიშის ყურძნისგან არის დამზადებული.
ასევე, დაათვალიერეს ბათუმის ღირსშესანიშნაობები, მოინახულეს ბათუმის ბოტანიკური ბაღი, ეთნოგრაფიული მუზეუმი, გონიოს ციხე, სარფის საბაჟო და ბათუმის იუსტიციის სახლი.
პრეს-ტური უკრაინელი ჟურნალისტებისთვის ოდესაში საქართველოს გენერალური საკონსულოს ინიციატივით დაიგეგმა. ტურს კომპანია „უკრფერი“ აჭარის მთავრობის მხარდაჭერით ახორციელებს.
