Batumelebi | მიხეილ მჟავანაძის მიმართვა აჭარის ჯანდაცვის სამინისტროს მიხეილ მჟავანაძის მიმართვა აჭარის ჯანდაცვის სამინისტროს – Batumelebi
RU | GE  

მიხეილ მჟავანაძის მიმართვა აჭარის ჯანდაცვის სამინისტროს

 

 „მოვუწოდებთ ჯანმრთელობის დაცვის სამინისტროს, დროულად უზრუნველყონ ბავშვებისათვის უფასოდ ვაქცინაციის ჩატარების შესაძლებლობა“ – ეს განცხადება აჭარის უმაღლესი საბჭოს წევრმა, მიხეილ მჟავანაძემ დღეს, „ერთიანი ნაციონალური მოძრაობის“ ოფისში გამართულ ბრიფინგზე  გააკეთა.

 

 

მიხეილ მჟავანაძე
მიხეილ მჟავანაძე

 

როგორც მიხეილ მჟავანაძემ აღნიშნა, „ბავშვებისათვის სახელმწიფოს მიერ გათვალისწინებული უფასო ვაქცინაციის ჩატარების პრობლემა მას შემდეგ წარმოიქმნა, რაც მიმდინარე წლის თებერვლიდან შეუწყდათ ხელშეკრულებები პირველადი ჯანდაცვის ტიპის სამედიცინო დაწესებულებებს,რომლებიც ახორციელებდნენ ამბულატორიული მომსახურების პროგრამას“.

მისივე ინფორმაციით, 2000-მდე ბავშვს მშობლებმა საკუთარი სახსრებით უკვე ჩაუტარეს ვაქცინაცია, რომელიც მათთვის უფასოდ უნდა ჩატარებულიყო, ნაწილი ბავშვებისა კი დარჩა ვაქცინაციის  გარეშე, რითაც დაირღვა ვაქცინაციის ჩატარების კალენდარი.

როგორც მიხეილ მჟავანაძე განმარტავს, ამ დროისათვის მშობლებს თანხის გადახდა უწევთა არა ვაქცინაციაში, არამედ ექიმის მომსახურებაში, რაც მენეჯმენტში არსებული შეცდომის შედეგი.

 

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი