ბათუმის მერიის ინფორმაციით, შესაბამისი სამსახურები დილიდან ახორციელებენ გზებისა და ტროტუარების თოვლის საფარისგან გაწმენდით სამუშაოებს. პარალელურად მიმდინარეობს ცხაურებისა და სანიაღვრე არხების გაწმენდა. ტექნიკური მარილი დაიყარა ძველ ბათუმში, ბარცხანის ხიდზე, ფარნავაზ მეფისა და გორგასალის ქუჩებზე.
ბათუმის მერიამ ასევე გაავრცელა განცხადება, რომ მოქალაქეებმა„ თავი შეიკავონ ავტოტრანსპორტით გადაადგილებისგან, რათა სრულყოფილად განხორციელდეს გზებზე ტექნიკური მარილის დაყრის სამუშაოები“.
დღეს დილიდან ქალაქში ინტენსიურად თოვს.
ბათუმის მერიის პრესსამსახურის ინფორმაციით, ჯერჯერობით რაიმე საგანგებო შტაბის შექმნის, თუ ცხელი ხაზის ამოქმედების აუცილებლობა არ დგას. „თუ საჭირო გახდა დამატებით მივაწვდით ინფორმაციას მოსახლეობას. ამ დროისთვის თოვლს რაიმე მნიშვნელოვანი პრობლემა ქალაქში არ შეუქმნია“ – გვითხრეს პრესსამსახურში.
ბათუმში თოვა გუშინ, 27 იანვარს, დაიწყო. გუშინვე დაიწყო ქალაქის თოვლისგან გაწმენდა.
ბათუმი. 28.01.2017. მემედ აბაშიძის გამზირზე ტექნიკური მარილი დაყარეს / ფოტო: თედო ჯორბენაძე
