Batumelebi | დაგვიანებული ვაუჩერები და მინისტრის ბიზნეს ინტერესი დაგვიანებული ვაუჩერები და მინისტრის ბიზნეს ინტერესი – Batumelebi
RU | GE  

დაგვიანებული ვაუჩერები და მინისტრის ბიზნეს ინტერესი

ლელა დუმბაძე

დღეს აჭარის უმაღლესი საბჭოს მაჟორიტარმა დეპუტატმა „ნაციონალური მოძრაობიდან“ ირაკლი ბარამიძემ, დაგვიანებულ ვაუჩერებთან დაკავშირებით ბრიფინგი ჩაატარა. მისი განცხადებით, აჭარაში ვაუჩერების გაცემა გვიანდება, რაზეც მოსახლეობა პროტესტს გამოთქვამს.

 

„მთელ საქართველოში დაწყებულია მინერალური სასუქების გაცემა, გარდა ჩვენი რეგიონისა. აქ ჯერ სიებიც კი არ არის შედგენილი თუ ვის უნდა გადაეცეს ვაუჩერები. მოსახლეობა კი პრეტენციებს გამოთქვამს. მთავარი პრობლემა რაც არის, რომ ამ საკითხში თვითონ მინისტრის ბიზნეს ინტერესი იკვეთება. მას აქვს მინერალური სასუქები დიდი რაოდენობით შემოტანილი და ცდილობს რომ ჯერ მის მიერ შემოტანილი სასუქების რეალიზაცია მოხდეს“-განაცხადა ირაკლი ბარამიძემ. 

 

 

აჭარის სოფლის მეურნეობის მინისტრის მოადგილის ავთანდილ მესხიძის განცხადებით კი, მინერალური სასუქების გაცემა დაგვიანებული არ არის: „ჯერ არც უნდა დაწყებულიყო გაცემა. ვაუჩერების გაცემის კონკრეტული რიცხვი მითითებული არ არის და ჯერ არც ბარათები მიგვიღია, მაგრამ არ გვიანდება გაცემა. ვაუჩერების გაცემა დაიწყო საქართველოს სოფლის მეურნეობის სამინისტრომ იმ რაიონებიდან, სადაც აუცილებლობა იყო და აგროვადები იწურებოდა. ეს შეეხება სახნავ-სათეს ფართობებს რომელიც არის აღმოსავლეთ საქართველოში“.

 

რაც შეეხება მინისტრის ბიზნეს ინტერესებს, ავთანდილ მესხიძე აცხადებს: „მაგას შეიძლება პირადი ინტერესები აქვს და იმიტომ ახსენა მინისტრის ბიზნესი. ეს ვაუჩერები მოქმედებს ყველა მაღაზიაში და მინერალური სასუქებიც ყველგან იყიდება“. 

ლელა დუმბაძე

დღეს აჭარის უმაღლესი საბჭოს მაჟორიტარმა დეპუტატმა „ნაციონალური მოძრაობიდან“ ირაკლი ბარამიძემ, დაგვიანებულ ვაუჩერებთან დაკავშირებით ბრიფინგი ჩაატარა. მისი განცხადებით, აჭარაში ვაუჩერების გაცემა გვიანდება, რაზეც მოსახლეობა პროტესტს გამოთქვამს.

 

„მთელ საქართველოში დაწყებულია მინერალური სასუქების გაცემა, გარდა ჩვენი რეგიონისა. აქ ჯერ სიებიც კი არ არის შედგენილი თუ ვის უნდა გადაეცეს ვაუჩერები. მოსახლეობა კი პრეტენციებს გამოთქვამს. მთავარი პრობლემა რაც არის, რომ ამ საკითხში თვითონ მინისტრის ბიზნეს ინტერესი იკვეთება. მას აქვს მინერალური სასუქები დიდი რაოდენობით შემოტანილი და ცდილობს რომ ჯერ მის მიერ შემოტანილი სასუქების რეალიზაცია მოხდეს“-განაცხადა ირაკლი ბარამიძემ. 

 

 

აჭარის სოფლის მეურნეობის მინისტრის მოადგილის ავთანდილ მესხიძის განცხადებით კი, მინერალური სასუქების გაცემა დაგვიანებული არ არის: „ჯერ არც უნდა დაწყებულიყო გაცემა. ვაუჩერების გაცემის კონკრეტული რიცხვი მითითებული არ არის და ჯერ არც ბარათები მიგვიღია, მაგრამ არ გვიანდება გაცემა. ვაუჩერების გაცემა დაიწყო საქართველოს სოფლის მეურნეობის სამინისტრომ იმ რაიონებიდან, სადაც აუცილებლობა იყო და აგროვადები იწურებოდა. ეს შეეხება სახნავ-სათეს ფართობებს რომელიც არის აღმოსავლეთ საქართველოში“.

 

რაც შეეხება მინისტრის ბიზნეს ინტერესებს, ავთანდილ მესხიძე აცხადებს: „მაგას შეიძლება პირადი ინტერესები აქვს და იმიტომ ახსენა მინისტრის ბიზნესი. ეს ვაუჩერები მოქმედებს ყველა მაღაზიაში და მინერალური სასუქებიც ყველგან იყიდება“. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"