Batumelebi | „კულტურული მემკვიდრეობა საფრთხის ქვეშ“ – ლექცია უნივერსიტეტში „კულტურული მემკვიდრეობა საფრთხის ქვეშ“ – ლექცია უნივერსიტეტში – Batumelebi
RU | GE  

„კულტურული მემკვიდრეობა საფრთხის ქვეშ“ – ლექცია უნივერსიტეტში

ხვალ, 21 იანვარს, 13:00 საათზე, ბათუმის შოთა რუსთაველის სახელმწიფო უნივერსიტეტში, აუდიტორია #21-ში, ლურჯი ფარის საქართველოს ეროვნული კომიტეტი პროექტის „კულტურული მემკვიდრეობა საფრთხის ქვეშ – სამოქალაქო საზოგადოებისა და მედიის ჩართვა“ ფარგლებში, ორგანიზაცია „ბათომთან“ ერთად საჯარო ლექციას ჩაატარებს. პროექტი დაფინანსებულია შვედეთის ინსტიტუტის მიერ.

„ლექციის ფარგლებში, მონაწილეთათვის მიმოხილული იქნება კედლის მხატვრობისა და ისტორიული შენობის დეკორატიული ელემენტების კონსერვაცია-რესტავრაციის საკითხები – პროექტირება, მართვა და რესტავრაცია. ასევე, განხილული იქნება დაფინანსების შესაძლო ვარიანტები, წინასაკონსერვაციო კვლევის მნიშვნელობა, დესტრუქციული და არადესტრუქციული, თანამედროვე და ტრადიციული მეთოდები კონკრეტული მაგალითების გამოყენებით“.

ლექციის ხანგრძლივობა 2 საათია.

ლექციის ფორმატი თავისუფალია და ნებისმიერ დროს შესაძლებელი იქნება კითხვების დასმა და დისკუსიაში მონაწილეობის მიღება.

ლექციას გაუძღვება ლელა ნინოშვილი, თბილისის სახელმწიფო სამხატვრო აკადემიის მაგისტრი ქვის რესტავრაციისა და კედლის მხატვრობის მიმართულებით. ლელა ნინოშვილი სწავლობდა რომის ლა საპიენცას უნივერსიტეტში არქიტექტურის რესტავრაციას და შვეიცარიის ლუგანოს უნივერსიტეტში (SUPSI) ქვისა და კედლის მხატვრობის კონსერვაციას. გავლილი აქვს ICCROM-ის მე–19 საერთაშორისო საწვრთნელი კურსი ქვის კონსერვაციის მიმართულებით.

2006–2010 წლებში ის მუშაობდა შუასაუკუნეების კედლის მხატვრობის რესტავრაციის მიმართულებით. 2012 წლიდან მუშაობს ძეგლებისა და ღირსშესანიშნავი ადგილების საერთაშორისო საბჭოს საქართველოს ეროვნულ კომიტეტში (ICOMOS- საქართველო) კედლის მხატვრობის, ქვის რესტავრაციისა და სამშენებლო მასალების სპეციალისტის მიმართულებით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com