უკრაინის ცნობით, რუსეთი ოდესის რეგიონში სამოქალაქო გემს დაესხა თავს.
ოდესის რეგიონული სამხედრო ადმინისტრაციის ხელმძღვანელმა ოლეგ კიპერმა განაცხადა, რომ რუსეთის თავდასხმის შედეგად ტოგოს დროშის ქვეშ მცურავი სამოქალაქო გემი დაზიანდა, ოთხი ადამიანი დაშავდა, მათგან ერთი – მძიმედ და გემზე ხანძარი გაჩნდა.
რუსეთი რეგულარულად ავრცელებს ინფორმაციას ოდესის რეგიონში პორტებზე დარტყმების შესახებ. დღეს, 17 აგვისტოს, რუსეთმა ოდესის გარეუბანში მდებარე „ნოვა პოშტას“ ლოჯისტიკურ ცენტრზე დარტყმის შესახებ განაცხადა.
რამდენიმე დღის წინ რუსეთმა უარყო თურქეთის წინადადება შავ ზღვაში ცეცხლის შეწყვეტის შესახებ.
ამავე თემაზე:
რუსეთმა უარყო ინიციატივა შავ ზღვაში ცეცხლის შეწყვეტის შესახებ
