ხვალ, 20 სექტემბერს ბათუმის უნივერსიტეტის სტუდენტები უნივერსიტეტის შენობის წინ საპროტესტო აქციას გამართავენ.
სტუდენტები შეთანხმდნენ, რომ ხვალინდელ აქციაზე ყველა შავი მაისურებით მივა. „შავ მაისურებს ვიცვამთ სიმბოლურად. გვინდა გამოვხატოთ ჩვენი გულისტკივილი, იმასთან დაკავშირებით, რაც ციხეებში ხდება და სოლიდარობა გამოვუცხადოთ პატიმრებს, რომლებსაც ციხეებში აწამებენ“, – ამბობს ერთ-ერთი სტუდენტი დათო გოგიტიძე.
აქცია ბათუმის უნივერსიტეტთან დილის 9 საათზე დაიწყება და სავარაუდოდ 12 საათამდე გაგრძელდება.
მოქალაქეების ერთი ჯგუფი ამ წუთებშიც გადაადგილდება ბათუმის ქუჩებში და საზოგადოებას მეგაფონებით ხვალინდელ აქციაზე გამოსვლისკენ მოუწოდებს.
