ხვალ, 4 მაისს, 17:00 საათზე, ბათუმში, საქართველოს საკონსტიტუციო სასამართლოს წინ, დიუშენის დიაგნოზის მქონე ბავშვებისა და მათი მშობლების მხარდასაჭერად აქცია გაიმართება.
აქციის მთავარი მოთხოვნაა, დააფინანსოს სახელმწიფომ ძვირადღირებული მედიკამენტი, რომელიც იშვიათი გენეტიკური დაავადების, დიუშენის კუნთოვანი დისტროფიის მქონე ბავშვების სიცოცხლის გადასარჩენადაა აუცილებელი.
“სიცოცხლის უფლება ჩვენი კონსტიტუციის მე-10 მუხლით გათვალისწინებული ხელშეუხებელი უფლებაა, რომელსაც იცავს კანონი! მოდი დიუშენის დიაგნოზის მქონე ბავშვებისა და მშობლების მხარდასაჭერად აქციაზე!” – ნათქვამია აქციის ორგანიზატორთა მიერ გავრცელებულ ანონსში.
დიუშენის მარში – დღეს თბილისში ბავშვებისთვის საჭირო წამლების მოთხოვნით აქცია გაიმართება
