დღეს, 3 მაისს, თბილისში, 18:00 საათზე „დიუშენის მარში“ გაიმართება.
აქციის მთავარი მოთხოვნაა, დააფინანსოს სახელმწიფომ ძვირადღირებული მედიკამენტი, რომელიც იშვიათი გენეტიკური დაავადების, დიუშენის კუნთოვანი დისტროფიის მქონე ბავშვების სიცოცხლის გადასარჩენადაა აუცილებელი.
„დიუშენის მარში“ რუსთაველის მეტროდან დაიწყება და აქციის მონაწილეები მსვლელობით მთავრობის ადმინისტრაციამდე მივლენ.
„ჩვენ გამოვდივართ ქუჩაში, რათა დავიცვათ ბავშვების სიცოცხლის უფლება. ყოველი ნაბიჯი – ეს არის ხმა მათი სიცოცხლისა და მომავლისთვის.
მოდი მარშზე და მხარი დაუჭირე დიუშენით დაავადებული ბავშვების მკურნალობის დაფინანსებას.
გადაარჩინე სიცოცხლე – გადაარჩინე მომავალი!“ – ასეთია მარშის ორგანიზატორთა გზავნილი საზოგადოებისადმი.
ამავე თემაზე:
ერთი დიაგნოზი – ორი რეალობა: რატომ მკურნალობენ ქართველ ბავშვებს უცხოეთში, მაგრამ არა სამშობლოში
