რუსეთის პრეზიდენტის, ვლადიმერ პუტინის ვალდაის რეზიდენციის მიმდებარე ტერიტორიაზე Панцирь-С1 ტიპის საჰაერო თავდაცვის სისტემების საერთო რაოდენობამ უკვე 27-ს მიაღწია. ამის შესახებ რუსული მედია თანამგზავრულ ფოტოებზე დაყრდნობით ავრცელებენ ინფორმაციას.
თანამგზავრული ფოტოების თანახმად, შვიდი ახალი საჰაერო თავდაცვის კოშკურების მშენებლობა ერთ დღეს – 17 მარტს დაიწყო. ზოგიერთი მათგანი კი უკვე აღჭურვილია ჰაერსაწინააღმდეგო სარაკეტო სისტემებით.
ისევე, როგორც მოსკოვის გარშემო განლაგებული „პანცირის“ რაკეტების შემთხვევაში, ვალდაის საჰაერო თავდაცვის სისტემები რეზიდენციის გარშემოც დიდი და პატარა დიამეტრად, ორ ჯაჭვადაა განლაგებული.
როგორც პროექტ „სისტემას“ გამომძიებელმა ჟურნალისტებმა აქამდე გამოარკვიეს, ვალდაის რეზიდენციაში ალინა კაბაევა და პუტინის ვაჟები დიდ დროს ატარებენ, ხოლო თავად პუტინისთვის იქ კრემლის ოფისის ზუსტი ასლი ააშენეს.
საქმე ისაა, რომ Панцирь-ს დრონების უკეთ აღმოჩენა შეუძლია.
თუმცა, რაც არ უნდა დახვეწილი იყოს ჰაერსაწინააღმდეგო რადარი, მას არ შეუძლია დედამიწის სიმრუდით დაფარული ყველა სამიზნეის აღმოჩენა. გარდა ამისა, შენობებსა და ტყეებს შეუძლიათ ხელი შეუშალონ.
