სიახლეები

საქველმოქმედო აქცია რვა წლის ამიკოს დასახმარებლად

22.11.2016 • 1280
საქველმოქმედო აქცია რვა წლის ამიკოს დასახმარებლად

8 წლის ამიკო მძიმე სენითაა დაავადებული. მის მკურნალობას დიდი თანხა სჭირდება, რისი შესაძლებლობაც ამიკოს ოჯახს არ აქვს. ამიკოს დასახმარებლად შაბათს 26 ნოემბერს, ბათუმში, ევროპის მოედანზე საქველმოქმედო აქციაა დაგეგმილი.

აქციის ორგანიზატორების თქმით ამიკოს ოჯახს სოციალური დახმარებაც მოუხსნეს:

„მნიშვნელოვანია ამიკოს ოჯახის დახმარება, ჩვენ გვინდა მის ოჯახს ერთი დღე გავულამაზოთ. ამიკოს ოჯახი თბილისში, „აფრიკის დასახლებაში“ ცხოვრობდა და სახლი გაყიდეს ამიკოს ოპერაციისთვის ფული რომ შეეგროვებინათ, ახლა ჩაქვში, სოფელ საჩინოში ცხოვრობენ შენობაში, სადაც ადრე ბოსელი იყო.“ – ამბობს ლევან დევაძე.

საქველმოქმედო აქცია ევროპის მოედანზე 26 ნოემბერს, 13:00 საათიდან 18:00 საათამდე გაგრძელდება. აქციაზე ამიკოს ოჯახისთვის საყოფაცხოვრებო ნივთებს და საკვებ პროდუქტსაც შეაგროვებენ. ასვე დადგამენ ყულაბას, სადაც ნებისმიერ მსურველს მიეცემა საშუალება თუნდაც მცირე თანხით დაეხმაროს ამიკოს.

ამიკოს დასახმარებლად თიბისი ბანკში გახსნილია ანგარიში. GE65TB7911145061100039 მიმღები ლევან დევაძე – საკონტაქტო ინფორმაცია: 557 907 855

გადაბეჭდვის წესი