„არ არსებობს ისეთი რამ, რასაც მიშა და მისი ბანდა არ იკადრებს და იკისრებს. ხვალ უკვე სხვა რეალობა შეიძლება დაგვხვდეს, ხალხი უნდა ჩაერთოს პროცესებში, თორემ ბოლო ქართული ოცნებაც დაიღუპება“ – ეს სტატუსი მიუნხენში მყოფმა ქიბარ ხალვაშმა საკუთარ კედელზე „ფეისბუქში“ წუხელ გამოაქვეყნა.
მის ერთ-ერთ პოსტში ბიზნესმენი განმარტავს: „პირადი გამოცდილებიდან ვიცი, რაც შეიძლება მოხდეს, დღეს დაკავებულ ბანკის თანამშრომლებს, იმნაირ რამეს დააწერინებენ და მოაწერინებენ ხელს, რის საფუძველზეც სახლში შეუვარდებიან ივანიშვილს“.
ქიბარ ხალვაშმა გერმანიის მთავრობისგან პოლიტიკური თავშესაფარი მიიღო. საქართველო მან 2007 წლის 25 ნოემბერს დატოვა. ერთ-ერთი ინტერვიუს დროს ჟურნალისტ ვახტანგ კომახიძესთან ის იხსენებს ხელისუფლების და მისი დაპირისპირების დეტალებს:
ქიბარ ხალვაში: „ოქრუაშვილი 25 სექტემბერს დააკავეს. სახელმწიფო აცხადებდა, რომ ჩემზე ძებნა იყო გამოცხადებული, მაგრამ როდესაც დასჭირდათ, მომძებნეს, შეხვედრა კეზერაშვილთან დაინიშნა. მან მითხრა, რომ მე უნდა გადამეხადა 10 მილიონი გირაოს საფასური და 7 მილიონი ჩვენი კომპანიების ჯარიმა, რომელიც მისივე თქმით, ის თანხა იყო, რომელიც ჩვენმა კომპანიებმა, სავარაუდოდ, 2003 წლის ვარდების რევოლუციის შემდეგ გამოიმუშავეს. მისი თქმით, ჩვენ არ ვიყავით ღირსი, რადგან არ ვიყავით მხარდამჭერები ხელისუფლების და არ ვიმსახურებდით არავითარ მოგებას“
სამართალდამცავებმა ბათუმში დააკავეს ქიბარ ხალვაშის ძმა ნიაზ ხალვაშიც, რომელიც ამ დროისთის ასევე საქართველოში არ იმყოფება.
2007 წლის 24 სექტემბერს, მას შემდეგ, რაც ოქრუაშვილი პოლიტიკაში გააქტიურდა, ხალვაშის კუთვნილ „არტი ჯგუფის“ ოფისში ფინანსური პოლიცია შევიდა. როგორც „არტი ჯგუფის“ გენერალური დირექტორი იხსენებს „დაახლოებით ასი შეიარაღებული ადამიანი“.
2007 წლის 25 დეკემბერს კი დაიწვა „არტი ჯგუფის“ ოფისი და საწყობი. ქიბარ ხალვაში განმარტავს, რომ აქამდე სადაზღვევო კომპანიას ზარალი არ აუნაზღაურებია.
„არ არსებობს ისეთი რამ, რასაც მიშა და მისი ბანდა არ იკადრებს და იკისრებს. ხვალ უკვე სხვა რეალობა შეიძლება დაგვხვდეს, ხალხი უნდა ჩაერთოს პროცესებში, თორემ ბოლო ქართული ოცნებაც დაიღუპება“ – ეს სტატუსი მიუნხენში მყოფმა ქიბარ ხალვაშმა საკუთარ კედელზე „ფეისბუქში“ წუხელ გამოაქვეყნა.
მის ერთ-ერთ პოსტში ბიზნესმენი განმარტავს: „პირადი გამოცდილებიდან ვიცი, რაც შეიძლება მოხდეს, დღეს დაკავებულ ბანკის თანამშრომლებს, იმნაირ რამეს დააწერინებენ და მოაწერინებენ ხელს, რის საფუძველზეც სახლში შეუვარდებიან ივანიშვილს“.
ქიბარ ხალვაშმა გერმანიის მთავრობისგან პოლიტიკური თავშესაფარი მიიღო. საქართველო მან 2007 წლის 25 ნოემბერს დატოვა. ერთ-ერთი ინტერვიუს დროს ჟურნალისტ ვახტანგ კომახიძესთან ის იხსენებს ხელისუფლების და მისი დაპირისპირების დეტალებს:
ქიბარ ხალვაში: „ოქრუაშვილი 25 სექტემბერს დააკავეს. სახელმწიფო აცხადებდა, რომ ჩემზე ძებნა იყო გამოცხადებული, მაგრამ როდესაც დასჭირდათ, მომძებნეს, შეხვედრა კეზერაშვილთან დაინიშნა. მან მითხრა, რომ მე უნდა გადამეხადა 10 მილიონი გირაოს საფასური და 7 მილიონი ჩვენი კომპანიების ჯარიმა, რომელიც მისივე თქმით, ის თანხა იყო, რომელიც ჩვენმა კომპანიებმა, სავარაუდოდ, 2003 წლის ვარდების რევოლუციის შემდეგ გამოიმუშავეს. მისი თქმით, ჩვენ არ ვიყავით ღირსი, რადგან არ ვიყავით მხარდამჭერები ხელისუფლების და არ ვიმსახურებდით არავითარ მოგებას“
სამართალდამცავებმა ბათუმში დააკავეს ქიბარ ხალვაშის ძმა ნიაზ ხალვაშიც, რომელიც ამ დროისთის ასევე საქართველოში არ იმყოფება.
2007 წლის 24 სექტემბერს, მას შემდეგ, რაც ოქრუაშვილი პოლიტიკაში გააქტიურდა, ხალვაშის კუთვნილ „არტი ჯგუფის“ ოფისში ფინანსური პოლიცია შევიდა. როგორც „არტი ჯგუფის“ გენერალური დირექტორი იხსენებს „დაახლოებით ასი შეიარაღებული ადამიანი“.
2007 წლის 25 დეკემბერს კი დაიწვა „არტი ჯგუფის“ ოფისი და საწყობი. ქიბარ ხალვაში განმარტავს, რომ აქამდე სადაზღვევო კომპანიას ზარალი არ აუნაზღაურებია.
