შს სამინისტროს ცნობით, თავისუფლების უკანონოდ აღკვეთის ბრალდებით მარნეულში ორი პირი დააკავეს.
„გამოძიებით დადგინდა, რომ მარნეულის მუნიციპალიტეტის ერთ-ერთ სოფელში, ცოლად შერთვის მიზნით, თავისუფლება უკანონოდ აღუკვეთეს 2006 წელს დაბადებულ პირს. აღნიშნულ დანაშაულებრივ ქმედებაში მონაწილეობდნენ ამჟამად ბრალდებულის სახით დაკავებული პირებიც.
სამართალდამცველებმა ორივე ბრალდებული დანაშაულის ჩადენიდან მალევე, ცხელ კვალზე დააკავეს“ – წერს შსს.
შსს-ს ინფორმაციით, გამოძიება სისხლის სამართლის კოდექსის 143-ე მუხლით მიმდინარეობს, რაც 4 წლამდე ვადით თავისუფლების აღკვეთას ითვალისწინებს.