Batumelebi | ბათუმში Street art -ის ფარგლებში სახელოსნო გაიხსნება ბათუმში Street art -ის ფარგლებში სახელოსნო გაიხსნება – Batumelebi
RU | GE  

ბათუმში Street art -ის ფარგლებში სახელოსნო გაიხსნება

ხვალ, 1 ოქტომბერს 17 საათზე ბათუმში მაზნიაშვლის ქუჩის 47  ნომერში, – პროექტი „Street art“-ის ფარგლებში სახელოსნო გაიხსნება. ინფორმაციას აჭარის განათლებისა და კულტურის სამინისტრო ავრცელებს.

ოფიციალური ინფორმაციით,  სახელოსნოს გახსნის მიზანია თანამედროვე, ახალგაზრდა ფოტოგრაფებისათვის, ილუსტრატორებისათვის და გრაფიკოსებისათვის  შექმნილიყო მარტივი სივრცე, სადაც ისინი სახლიდან გაუსვლელად შეძლებდნენ ქალაქში გამოფენის მოწყობას.

„ასევე თავს გააცნობდნენ საზოგადოებას და მოახდენდნენ თავისივე შემოქმედების გაყიდვას. პროექტის ფარგლებში შექმნილი ,,არტ ბოქსების“, Web გვერდის და სახელოსნო სტუდიის მეშვეობით“.

სამინისტროს ინფორმაციით, სახელოსნო აღჭურვილია თანამედროვე ტექნიკით, 3D პრინტერით, ლაზერით გრავირებისათვის პროექტორით და სხვა  დამხმარე ხელსაწყოებით.

„დამზადდა სპეციალური საგამოფენო A2 ზომის წყალგაუმტარი, კედელზე მისამაგრებელი თხელი ყუთები, რაშიც განთავსდება არტისტების ნამუშევრები. ,,არტ-ბოქსები“ განთავსებულია ბათუმის ცენტრალურ  უბანში, ხალხმრავალ ადგილას 9 ლოკაციაზე.

პროექტის ფარგლებში ჩაეშვება ვებ გვერდი, რომლის მეშვეობით არტისტები ნახავენ გამოფენების კალენდარს, ექნებათ თავისი ნამუშევრების პორტფოლიო, სახლიდან გაუსვლელად ექნებათ შესაძლებლობა ბაზაში ატვირთონ თავიანთი ნამუშევრები, ასევე მოაწყონ გამოფენები სხვა და სხვა ლოკაციებზე და გაყიდონ“.

ამავე ინფორმაციით, ვებ გვერდზე განთავსდება სპეციალური რუკა,რომლის მეშვეობითაც ყველა მსურველს შეეძლება იპოვნოს ,,არტ-ბოქსები“.

„გამოფენა გაიმართება მინიმუმ თვეში ერთხელ. პროექტის ფარგლებში ასევე შეიქმნება ონლაინ მაღაზია, სადაც ახალგაზრდა არტისტები გაყიდიან თავიანთ ნამუშევრებს, რომელსაც დაამზადებენ პროექტის ფარგლებში შექმნილ ადაპტირებულ სტუდია სახელოსნოში.“

პროექტი  აჭარის განათლების და კულტურისა სამინისტროს 2016 წლის პროგრამის  – „კულტურული ცხოვრების გააქტიურება და პოპულარიზაცი“ ფარგლებში,   2016 წლის 1 ივლისიდან 15 დეკემბრის ჩათვლით ხორციელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com