უკრაინის პრეზიდენტმა, ვოლოდიმირ ზელენსკიმ უკრაინის პრეზიდენტის ადმინისტრაციის უფროსად დანიშნა მთავარი სადაზვერვო სამმართველოს უფროსი კირილო ბუდანოვი.
ამის შესახებ ზელენსკი თავად წერს ტელეგრამზე.
„შევხვდი კირილ ბუდანოვს და უკრაინის პრეზიდენტის ადმინისტრაციის ხელმძღვანელობა შევთავაზე.
ამჟამად უკრაინამ უფრო მეტი ყურადღება უნდა გაამახვილოს უსაფრთხოების საკითხებზე, თავდაცვისა და უსაფრთხოების ძალების განვითარებაზე, ასევე მოლაპარაკებების დიპლომატიურ გზაზე და პრეზიდენტის ადმინისტრაცია, პირველ რიგში, ჩვენი სახელმწიფოს ამ მიზნებს მოემსახურება. კირილოს ამ სფეროებში სპეციალიზებული გამოცდილება და საკმარისი ძალა აქვს შედეგების მისაღწევად“ – წერს ზელენსკი.
ზელენსკის თქმით, მან ასევე დაავალა პრეზიდენტის ადმინისტრაციის ახალ ხელმძღვანელს, ეროვნული უსაფრთხოებისა და თავდაცვის საბჭოს მდივან რუსტემ უმეროვთან და სხვა ლიდერებთან თანამშრომლობით, განაახლოს და დასამტკიცებლად წარადგინოს უკრაინის თავდაცვისა და განვითარების სტრატეგიული ჩარჩო, ასევე შემდგომი ნაბიჯები.
აქამდე უკრაინის პრეზიდენტის ადმინისტრაციის უფროსი ანდრეი ერმაკი იყო. იგი ზელენსკიმ 28 ნოემბერს გაათავისუფლა დაკავებული თანამდებობიდან.
