„რესპუბლიკური პარტიის“ მაჟორიტარი კანდიდატი საქართველოს პარლამენტში ხათუნა სამნიძე, „ბათუმელებთან“ საუბარში აცხადებს, რომ გარკვეულ უბნებზე შეიმჩნევა აგიტაცია და ამომრჩევლების აღნუსხვა.
„69-ე ოლქის დაახლოებით რვა უბანზე ვიყავი. რამდენიმე უბანზე შეინიშნება ძველი პრაქტიკა, როცა კოორდინატორები დგანან საარჩევნო უბანთან ახლოს და პლუსებით ფურცელზე ინიშნავენ, თუ ვინ მოდის ან ვინ არ მოდის, ამასთან, ეწევიან აგიტაციას,“-გვეუბნება ის.
ხათუნა სამნიძის თქმით, საარჩევნო უბნებთან „ქართული ოცნების“ და „პატრიოტთა ალიანსის“ აგიტატორები იმყოფებიან.