Batumelebi | ქობულეთის #10 უბანზე კომისიის თავმჯდომარემ “თავისუფალი დემოკრატების” საჩივარი არ მიიღო ქობულეთის #10 უბანზე კომისიის თავმჯდომარემ “თავისუფალი დემოკრატების” საჩივარი არ მიიღო – Batumelebi
RU | GE  

ქობულეთის #10 უბანზე კომისიის თავმჯდომარემ “თავისუფალი დემოკრატების” საჩივარი არ მიიღო

ქობულეთში, #71 ოლქის მე-10 უბნის თავმჯდომარემ არ მიიღო „თავისუფალი დემოკრატების“ დამკვირვებლის მიერ დაწერილი საჩივარი, რომელიც კენჭისყრის მსვლელობას შეეხებოდა.

„კენჭისყრის მსვლელობისას არ შეიძლებოდა საარჩევნო უბნის ორი კარის ღიად დატოვება, ამიტომ დავწერე საჩივარი, მაგრამ კომისიის თავმჯდომარემ არ მიიღო ჩვენ მიერ დაწერილი საჩივარი,  თან ცდილობდა ზეწოლას კომისიის წევრებს და დამკვირვებლებზე. დავწერეთ მეორე საჩივარი, თავმჯდომარის პასუხისმგებლობის მოთხოვნით“ – უთხრა „ბათუმელებს“ თავისუფალი დემოკრატების“ დამკვირვებელმა მარიკა ვერულიძემ.

კომისიის თავმჯდომარის, ტარიელ ვერულიძის თქმით, კარი მხოლოდ მოკლე პერიოდის მანძლზე იყო ღია „რომ დამკვირვებლები და კომისიის წევრები გასულიყვნენ წყალის დასალევად, ტუალეტში, სამზარეულოში…  მოგვიანებით დაგვიძახეს და გვითხრეს, რომ არ შეიძლებოდა კარების ღიად დატოვება. გავითვალისწინე  გაფრთხილება და დავკეტე კარები.  საჩივრის დაწერა არ იყო საჭირო ამისათვის. კიდე რისთვის დაწერეს საჩივარი გაუგებარია, ამიტომ არ ჩავიბარე,“ – ამბობს ტარიელ ვერულიძე, კომისიის თავმჯდომარე.

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე