Batumelebi | რატომ გადადგა აჭარის კონტროლის პალატის თავმჯდომარე რატომ გადადგა აჭარის კონტროლის პალატის თავმჯდომარე – Batumelebi
RU | GE  

რატომ გადადგა აჭარის კონტროლის პალატის თავმჯდომარე

რატომ-გადადგა-აჭარის-კონ

სულხან ჯორთმენაძე, რომელიც ცოტა ხნის წინ აჭარის კონტროლის პალატის თავმჯდომარე იყო, ისევ ფინანსთა მინისტრის პირველი მოადგილედ დააბრუნეს. ამის შესახებ ინფორმაცია “ბათუმელებს” თავად სულხან ჯორთმენაძემ დაუდასტურა.
“დავინიშნე ფინანსთა და ეკონომიკის მინისტრის პირველ მოადგილედ და ამას გიდასტურებთ. დანარჩენს – არა”, – უთხრა “ბათუმელებს” სულხან ჯორთმენაძემ.
მინისტრის მოადგილემ არ დაადასტურა ის ინფორმაცია, რაც ჩაიწერა მისი გათავისუფლების ბრძანებაში. “ბათუმელბის” ინფორმაციით კი, ამ ბრძანებაში წერია, რომ გათავისუფლებულია სამსახურებრივი მოვალეობისგან თავის არიდების გამო.
ადამიანი, რომელმაც პირადად ნახა ეს დოკუმენტი (საჯარო მოხელეა და არ სურს საკუთარი ვინაობის გამხელა) დასძენს, რომ სულხან ჯორთმენაძემ საქართველოს კონტროლის პალატის მიერ სპეციალურად მისთვის ანუ თავმჯდომარისთვის დანიშნულ ატესტაციაში, რომელიც თბილისში იყო დანიშნული, მონაწილეობაზე უარი განაცხადა.
აჭარის კონტროლის პალატის თავმჯდომარის გათავისუფლება საქართველოს კონტროლის პალატის თავმჯდომარის უფლებამოსილებაა. აჭარის ფინანსთა და ეკონომიკის მინისტრის მოადგილეს კი ლევან ვარშალომიძე ნიშნავს და ათავისუფლებს.
სულხან ჯორთმენაძე კონტროლის პალატაში გადაყვანამდეც აჭარის ფინანსთა სამინისტროში მუშაობდა.

სულხან ჯორთმენაძე, რომელიც ცოტა ხნის წინ აჭარის კონტროლის პალატის თავმჯდომარე იყო, ისევ ფინანსთა მინისტრის პირველი მოადგილედ დააბრუნეს. ამის შესახებ ინფორმაცია “ბათუმელებს” თავად სულხან ჯორთმენაძემ დაუდასტურა.
“დავინიშნე ფინანსთა და ეკონომიკის მინისტრის პირველ მოადგილედ და ამას გიდასტურებთ. დანარჩენს – არა”, – უთხრა “ბათუმელებს” სულხან ჯორთმენაძემ.
მინისტრის მოადგილემ არ დაადასტურა ის ინფორმაცია, რაც ჩაიწერა მისი გათავისუფლების ბრძანებაში. “ბათუმელბის” ინფორმაციით კი, ამ ბრძანებაში წერია, რომ გათავისუფლებულია სამსახურებრივი მოვალეობისგან თავის არიდების გამო.
ადამიანი, რომელმაც პირადად ნახა ეს დოკუმენტი (საჯარო მოხელეა და არ სურს საკუთარი ვინაობის გამხელა) დასძენს, რომ სულხან ჯორთმენაძემ საქართველოს კონტროლის პალატის მიერ სპეციალურად მისთვის ანუ თავმჯდომარისთვის დანიშნულ ატესტაციაში, რომელიც თბილისში იყო დანიშნული, მონაწილეობაზე უარი განაცხადა.
აჭარის კონტროლის პალატის თავმჯდომარის გათავისუფლება საქართველოს კონტროლის პალატის თავმჯდომარის უფლებამოსილებაა. აჭარის ფინანსთა და ეკონომიკის მინისტრის მოადგილეს კი ლევან ვარშალომიძე ნიშნავს და ათავისუფლებს.
სულხან ჯორთმენაძე კონტროლის პალატაში გადაყვანამდეც აჭარის ფინანსთა სამინისტროში მუშაობდა.

ნეტგაზეთის მასალების სხვა გამოცემებში გადაბეჭდვის წესი
netgazeti.ge