„ბათუმის ავტოტრანსპორტის“ ინფორმაციით, რუსთაველის ქუჩის მონაკვეთის [მელიქიშვილის ქუჩიდან თავდადებულის ქუჩამდე] გახსნის გამო, ავტობუსების: №1, №1ა, №7, №7ა, №10, №10ა, №11 და №15 მარშრუტი კვლავ შეიცვალა და აღნიშნულ მონაკვეთში იმოძრავებენ. კერძოდ:
№1 იმოძრავებს: ხიმშიაშვილის – გორგილაძის – მელიქიშვილის – რუსთაველის – გოგებაშვილის ქუჩები
№1ა: გოგებაშვილის – რუსთაველის – მელიქიშვილის – გორგილაძის – ხიმშიაშვილის ქუჩები
№7: გრიბოედოვის – გორგილაძის – მელიქიშვილის – რუსთაველის – თავდადებულის ქუჩები
№7ა: თავდადებულის – რუსთაველის – მელიქიშვილის – გორგილაძის – გრიბოედოვის ქუჩები
№10 და №10ა: ხიმშიაშვილის – გორგილაძის – მელიქიშვილის – რუსთაველის – გოგებაშვილის ქუჩები
უკუმიმართულება იგივე.
№11 და №15 სრულად უბრუნდებიან ძველ მარშრუტებს.
ამ ეტაპზე გადაკეტილი რჩება რუსთაველის ქუჩა [მელიქიშვილიდან გრიბოედოვამდე მონაკვეთში]. ოფიციალური ინფორმაციით ეს მონაკვეთიც მაქსიმუმ 15 ივნისამდე უნდა გაიხსნას.
სამუშაოები, რომელიც ბაქოს ქუჩიდან შერიფ ხიმშიაშვილის ქუჩამდე გზების რეაბილიტაციას ითვალისწინებს, შემოდგომაზე გაგრძელდება.
სამუშაოებზე ქალაქის ბიუჯეტიდან ჯამში 22 მილიონი ლარი დაიხარჯება.