სტამბულის სასამართლომ გამოსცა ბრძანება საპროტესტო აქციებზე დაკავებული 102 ახალგაზრდის პატიმრობიდან გათავისუფლების შესახებ, თუმცა 100-მდე ახალგაზრდა კვლავ პატიმრობაში რჩება – წერს თურქული გამოცემა „ბიანეტი“.
გამოცემის ცნობით, აქციაზე დაკავებულთა ოჯახების ქსელმა პირობა დადო, რომ გააგრძელებენ საპროტესტო აქციებს შვილების გათავისუფლებამდე.
თურქეთში მასშტაბური საპროტესტო აქციები მას შემდეგ დაიწყო, როცა სტამბულის ოპოზიციონერი მერი, იმამოღლუ, კორუფციასთან დაკავშირებული ბრალდებით დააკავეს. მის დაკავებას მოჰყვა ფართომასშტაბიანი დემონსტრაციები სტამბულსა და სხვა დიდ ქალაქებში. დემონსტრაციებში ძირითადად ჩართული იყვნენ სტუდენტები.
საპროტესტო აქციებზე სულ 1800-ზე მეტი ადამიანი დააკავეს, აქედან 300-ზე მეტ შემთხვევაში დაიწყო გამოძიება
„ბიანეტი“, ადვოკატების მიერ მიწოდებულ ინფორმაციაზე დაყრდნობით წერს, რომ პატიმრობაში 95-დან 100-მდე ახალგაზრდა რჩება. ადვოკატების თქმით, დაკავებული სტუდენტების ნაწილმა გამოცდები გამოტოვა, ნაწილი კი დროულად გაათავისუფლეს.
________________
მთავარი ფოტო: „ბიანეტი“
ამავე თემაზე:
თურქეთში აქციებზე დაკავებულ 139 ადამიანს სამ წლამდე თავისუფლების აღკვეთა ემუქრება