თურქული მედიის ცნობით, სტამბოლის მერის, ექრემ იმამოღლუს ადვოკატი მეჰმეთ ფეჰლივანი დღეს, 28 მარტს, დილით დააკავეს. Reuters-ი თურქულ მედია Haberturk-ზე დაყრდნობით წერს, რომ ადვოკატი დააკავეს „დანაშაულებრივი ქმედების შედეგად მიღებული აქტივების გათეთრების“ ბრალდებით.
იმამოღლუ ადვოკატის დაკავებას სოციალურ მედიაში გამოეხმაურა:
„ამჯერად ჩემი ადვოკატი მეჰმედ ფეჰლივანი გაყალბებული ბრალდებებს საფუძვლით დააკავეს. თითქოს არ იყოს საკმარისი გადატრიალების მცდელობა დემოკრატიის წინააღმდეგ, ისინი ვერ იტანენ ამ გადატრიალების მსხვერპლები თავს რომ იცავენ. მათ სურთ, რომ დემოკრატიის გადატრიალებას სასამართლოს გადატრიალება დაამატონ. სულ უფრო იზრდება ზიანი, რომელსაც ერთი მუჭა არაკომპეტენტური ადამიანები აყენებენ ჩვენს ქვეყანას. სასწრაფოდ გაათავისუფლეთ ჩემი ადვოკატი“ – წერს იმამოღლუ პლატფორმა X-ზე.
Yasakçı akılda ne yalan biter ne de iftira. Bu sefer de uyduruk gerekçelerle avukatım Mehmet Pehlivan gözaltına alındı. Demokrasi darbesi yaptıkları yetmiyormuş gibi bu darbenin mağdurlarının kendilerini savunmasına da tahammül edemiyorlar. Demokrasi darbesine hukuk darbesini de…
— Ekrem İmamoğlu (@ekrem_imamoglu) March 27, 2025
თურქული მედია „ბიანეტი“ განმარტავს, რომ თურქეთის სისხლის სამართლის საპროცესო კოდექსის თანახმად, ადვოკატი შეიძლება დაპატიმრებული იქნეს დანაშაულის ჩადენის შემთხვევაში, როგორც ნებისმიერი სხვა მოქალაქე. თუმცა, თუ პირდაპირი სამართალდარღვევას არ აქვს ადგილი, სამართალდამცავებმა პროცესის დაწყებამდე უნდა აცნობონ როგორც პროკურატურას, ასევე – ადვოკატთა ასოციაციას.
„ადვოკატები არ შეიძლება დაჯარიმდნენ მათი პროფესიული მოვალეობების ფარგლებში განხორციელებული საქმიანობისთვის, როგორიცაა კლიენტის წარმომადგენლობა. ადვოკატებთან დაკავშირებული დაკავება და ჩხრეკა რეგულირდება კანონით, რომელიც მოიცავს დაცვის განსაკუთრებულ ზომებს.
ადვოკატის სახლის, ოფისის ან პირის ჩხრეკა მოითხოვს სასამართლოს ბრძანებას. ჩხრეკა უნდა ჩატარდეს როგორც პროკურორის, ასევე ადვოკატთა ასოციაციის წარმომადგენლის თანდასწრებით. ამ ჩხრეკისას პროფესიულ საიდუმლოებად მიჩნეული დოკუმენტების ამოღება დაუშვებელია“ – წერს „ბიანეტი“.
