ბიძინა ივანიშვილის მოსკოვის ოფისის წარმომადგენელი ვალერი ლევინი მხოლოდ შემოწმების მიზნით იყო დაკავებული და ამ დროსთვის იგი თავისუფალია . აცხადებს შსს-ს ანალიტიკური დეპარტამენტის ხელმძღვანელი შოთა უტიაშვილი
დაკავებულის ადვოკატის , ლადო მაჭარაშვილის განცხადებით , ვალერი ლევინს, რომელიც თბილისის აეროპორტში დღეს ჩამოფრინდა, ამ დრომდე ვერ პოულობენ.
“ადამიანი, რომელიც ლევინს აეროპორტში უნდა დახვედროდა, მას ვერ შეხვდა. აეროპორტის უსაფრთხოების სამსახურში ვერ მოგვაწოდეს ინფორმაცია, თუ ვინ და სად წაიყვანა ვალერი ლევინი. მოდულის შენობაში გვითხრეს, რომ ლევინი იქ არ გადაუყვანიათ. ამდენად, ამ დროისთვის მისი ადგილსამყოფელი ჩვენთვის უცნობია”, – განაცხადა ლადო მაჭარაშვილმა.
ბიძინა ივანიშვილის პრესსამდივნოს ინფორმაციით, ლევინს საქართველოში ის დოკუმენტაცია ჩამოჰქონდა, რომელიც ბიძინა ივანიშვილის წარმომადგენლებმა რუსეთის საკონსულოსგან ოფიციალურად გამოითხოვეს.
“პირადობის მოწმობა, რუსეთის მოქალაქეობის დამადასტურებელი დოკუმენტი, ცნობა საგადასახადო ორგანოდან და საცხოვრებელი ადგილიდან, ბიძინა ივანიშვილის წარმომადგენლებს ბიზნესმენისთვის რუსეთის მოქალაქეობის შეწყვეტის პროცედურისთვის სჭირდებოდათ”, – განმარტავს ივანიშვილის პრესსამდივნო.
ვრცელდებოდა ინფორმაცია, რომ ლევინი მოდულში იყო გადაყვანილი. თუმცა, ადვოკატებს, ლადო მაჭარაშვილს და შალვა თადუმაძეს მოდულში განუცხადეს, რომ ვალერი ლევინი იქ არ იმყოფებოდა ამის შესახებ ინფორმაციას საინფორმაციო სააგენტო „ინტერპრესნიუსი“ ავრცელებს.
ბიძინა ივანიშვილის მოსკოვის ოფისის წარმომადგენელი ვალერი ლევინი მხოლოდ შემოწმების მიზნით იყო დაკავებული და ამ დროსთვის იგი თავისუფალია . აცხადებს შსს-ს ანალიტიკური დეპარტამენტის ხელმძღვანელი შოთა უტიაშვილი
დაკავებულის ადვოკატის , ლადო მაჭარაშვილის განცხადებით , ვალერი ლევინს, რომელიც თბილისის აეროპორტში დღეს ჩამოფრინდა, ამ დრომდე ვერ პოულობენ.
“ადამიანი, რომელიც ლევინს აეროპორტში უნდა დახვედროდა, მას ვერ შეხვდა. აეროპორტის უსაფრთხოების სამსახურში ვერ მოგვაწოდეს ინფორმაცია, თუ ვინ და სად წაიყვანა ვალერი ლევინი. მოდულის შენობაში გვითხრეს, რომ ლევინი იქ არ გადაუყვანიათ. ამდენად, ამ დროისთვის მისი ადგილსამყოფელი ჩვენთვის უცნობია”, – განაცხადა ლადო მაჭარაშვილმა.
ბიძინა ივანიშვილის პრესსამდივნოს ინფორმაციით, ლევინს საქართველოში ის დოკუმენტაცია ჩამოჰქონდა, რომელიც ბიძინა ივანიშვილის წარმომადგენლებმა რუსეთის საკონსულოსგან ოფიციალურად გამოითხოვეს.
“პირადობის მოწმობა, რუსეთის მოქალაქეობის დამადასტურებელი დოკუმენტი, ცნობა საგადასახადო ორგანოდან და საცხოვრებელი ადგილიდან, ბიძინა ივანიშვილის წარმომადგენლებს ბიზნესმენისთვის რუსეთის მოქალაქეობის შეწყვეტის პროცედურისთვის სჭირდებოდათ”, – განმარტავს ივანიშვილის პრესსამდივნო.
ვრცელდებოდა ინფორმაცია, რომ ლევინი მოდულში იყო გადაყვანილი. თუმცა, ადვოკატებს, ლადო მაჭარაშვილს და შალვა თადუმაძეს მოდულში განუცხადეს, რომ ვალერი ლევინი იქ არ იმყოფებოდა ამის შესახებ ინფორმაციას საინფორმაციო სააგენტო „ინტერპრესნიუსი“ ავრცელებს.
