აშშ-მ საქართველოდან მცირე ზომის საფოსტო გზავნილები შეაჩერა.
ინფორმაციას „საქართველოს ფოსტა“ ადასტურებს „ბათუმელებთან“.
მოქალაქეები, რომლებიც პრობლემის თაობაზე სოციალურ ქსელში წერენ, ამბობენ, რომ მცირე ზომის გზავნილები, რომლებიც პირველი მაისიდან 24 ივლისამდე გაგზავნეს აშშ-ში, უკან დაუბრუნდათ.
„საქართველოს ფოსტა“ განმარტავს, რომ გზავნილები ნამდვილად შეჩერებულია, თუმცა ამის მიზეზი, როგორც თვითონ ამბობენ, ამ დროისთვის უცნობია.
„შეფერხება ჰქონდა ამერიკას, წერილის და მცირე პაკეტის. არც ამ ეტაპზე იგზავნება მცირე გზავნილები. სამწუხაროდ, ვერ გეტყვით რა არის მიზეზი. ამერიკას აქვს ეს შეზღუდვა გაკეთებული დროებით“, – გვითხრეს ფოსტაში.
