ბათუმში, ზღვის სანაპიროზე, პარაშუტიდან ჩამოვარდნის შედეგად ქალი დაიღუპა.
შემთხვევა დღეს, 4 ივლისს მოხდა.
როგორც “ბათუმელებს” საგანგებო სიტუაციების სამსახურში განუცხადეს, ქალი პარაშუტიდან ზღვაში ჩავარდა, მაშველებმა ის გამოიყვანეს, თუმცა მისი გადარჩენა ვერ მოხერხდა.
ასევე დაშავებულია მამაკაცი, რომელიც ქალთან ერთად იმყოფებოდა.
ცოლ-ქმარი უცხო ქვეყნის მოქალაქეები იყვნენ, ისინი ბათუმში დასასვენებლად ჩამოვიდნენ.
შინაგან საქმეთა სამინისტროს ინფორმაციით გამოძიება მომხდარ ფაქტზე სისხლის სამართლის კოდექსის 275-ე მუხლით მიმდინარეობს, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
