აჭარის სპორტისა და ახალგაზრდობის საქმეთა დეპარტამენტი „ახალგაზრდულ საზაფხულო ბანაკში” მონაწილეობის მსურველებისთვის მიღებას აცხადებს.
დეპარტამენტის ინფორმაციით, კონკურსის სახით სულ 50 სტუდენტი შეირჩევა, რომლებიც 13 აგვისტოდან 20 აგვისტოს ჩათვლით ბანაკში გაემგზავრებიან.
ბანაკის ფარგლებში სხვადასხვა სპორტული, გასართობ-შემეცნებითი და კულტურული ხასიათის აქტივობები ჩატარდება, მათ შორის ტრენინგ-სემინარები შემდეგ თემბზე: პროექტის წერა, დონორ ორგანიზაციებთან ურთიერთობა, პრეზენტაბელურობა, კომუნიკაბელურობა, მოხალისეობა, არაფორმალური განათლება, სახელმწიფო ახალგაზრდული პოლიტიკის ხედვა, ახალგაზრდები და სამოქალაქო აქტივიზმი და ჯანსაღი ცხოვრების წესის პოპულარიზაცია.
კონკურსში მონაწილეობა შეუძლიათ აჭარაში არსებული უმაღლესი საგანმანათლებლო დაწესებულებების სტუდენტებს.
მსურველებმა სამოტივაციო წერილთან ერთად, აჭარის სპორტისა და ახალგაზრდობის საქმეთა დეპარტამენტის ელექტრონულ ფოსტაზე (youth@dsy.gov.ge) უნდა გააგზავნონ თავიანთი სახელი, გვარი, მისამართი, უმაღლესი სასწავლებლის დასახელება და საკონტაქტო ინფორმაცია
რეგისტრაცია გრძელდება 11 აგვისტოს ჩათვლით.
