კომპანია Ukrferry ივლისიდან განაახლებს საბორნე მიმოსვლას ჩერნომორსკი-ბათუმის მარშრუტზე, რომელიც რუსეთის უკრაინაზე თავდასხმის შემდეგ შეჩერებული იყო.
Ukrferry-ის ვებგვერდზე განთავსებული ინფორმაციის თანახმად, პირველი რეისი ჩერნომორსკის პორტიდან ბათუმის მიმართულებით 9 ივლისს იგეგმება. მგზავრობის დრო დაახლოებით 60 საათია. 13 ივლისს კი იგეგმება რეისი ბათუმიდან ჩერნომორსკისკენ.
უკრაინული გამოცემა LIGA.net-ის ცნობით, ბორანი 1989 წელს გერმანიაშია აწყობილი, რომელსაც 250 სამგზავრო ადგილი აქვს.
____________
ფოტო: Ukrferry
