19 და 20 ივნისს, ბათუმის დრამატული თეატრის მცირე სცენაზე „თეატრი ათონელზე“ წარმოადგენს სპექტაკლს – „მზის ხაზი“.
„გათენებამდე სამზარეულოში ჩარჩენილი ცოლ-ქმარი ოჯახურ კრიზისთან გამკლავებას ცდილობს. უკვე დიდი ხანია ისინი საერთო ენას ვერ პოულობენ და ურთიერთგაგების ყოველ მცდელობას კრახით ასრულებენ. რაშია პრობლემა? ვინ არის დამნაშავე? როგორ შეიძლება გადაილახოს კრიზისი? ამ და სხვა მნიშვნელოვან კითხვაზე პასუხის მისაღებად, მოკიდეთ ხელი თქვენს მეორე ნახევარს და მობრძანდით სპექტაკლის სანახავად“ – ვკითხულობთ სპექტაკლის აღწერაში, რომელსაც თეატრი ავრცელებს ფეისბუქზე.
სპექტაკლის რეჟისორია გეგა გაგნიძე, დრამატურგი – ივან ვირიპაევი. მონაწილეობენ მსახიობები: ნატალია გაბისონია და გიორგი შარვაშიძე.
სპექტაკლზე დაიშვებიან 18+ პირები.
ბილეთის ფასი 25 ლარია.
____________
ფოტო: „თეატრი ათონელზე“/facebook
