მსოფლიოში ყველაზე ხანდაზმული ადამიანი მარია ბრანიას მორერაა, აშშ-ში მცხოვრები, წარმოშობით ესპანელი ქალი, რომელიც 117 წლისაა.
მისი ასაკი დადასტურებულია გერონტოლოგიური კვლევის ჯგუფისა და გინესის რეკორდების წიგნის მიერ.
მარია ბრანიას მორერა 1907 წლის 4 მარტს არის დაბადებული. ბავშვობაში დაეცა და ერთ ყურში სმენა დაკარგა. 1930-იან წლებში, ესპანეთის სამოქალაქო ომის დროს მედდად მუშაობდა. ჰყავდა სამი შვილი, თერთმეტი შვილიშვილი და 13 შვილთაშვილი.
2000 წლიდან მარია მოხუცთა თავშესაფარში ცხოვრობს. 2020 წელს მან კორონავირუსი გადაიტანა, მხოლოდ მსუბუქი სიმპტომებით.
მსოფლიოში ყველაზე ხანდაზმული კაცი, ჯონ ტინისვუდი კი ინგლისში ცხოვრობს. იგი 1912 წელსაა დაბადებული.
აღრიცხული და დოკუმენტურად დადასტურებული ცნობების თანახმად, ამ დრომდე ყველაზე დიდხანს ჟანა ლუის კალმენტმა იცხოვრა, ფრანგმა ქალმა, რომელიც 122 წლის ასაკში გარდაიცვალა.
