საქართველოს სტატისტიკის ეროვნული სამსახურის ცნობით, ქვეყანაში დედის საშუალო ასაკი პირველი ბავშვის დაბადებისას 26.7 წლით განისაზღვრა.
2023 წლის მონაცემების თანახმად, საქართველოში ქალები პირველ შვილს ყველაზე ხშირად 25-29 წლის და 30-34 წლის ასაკში აჩენენ.
2022 წელთან შედარებით, გასულ წელს მცირედით შემცირდა 20-24 წლის ასაკში პირველი ბავშვის დაბადების მაჩვენებელი და გაიზარდა 40-49 წლის ასაკში პირველი შვილის გაჩენის შემთხვევები.
სტატისტიკა ასე გამოიყურება:
სტატისტიკის ეროვნული სამსახური
სტატისტიკის ეროვნული სამსახურის ცნობით, 2023 წელს საქართველოში ცოცხლად დაბადებულთა რიცხოვნობამ 40 214 ბავშვი შეადგინა, მათ შორის 21 010 ბიჭი და 19 204 გოგოა. ქვეყანაში შობადობის მაჩვენებელი, 2022 წელთან შედარებით, 5.0 პროცენტით შემცირდა.
2023 წელს ყველაზე მეტი ბავშვი დაიბადა თბილისში [13 697], აჭარასა [5 046] და ქვემო ქართლში [4 878]. შოაბდობის ყველაზე დაბალი მაჩვენებელია რაჭა-ლეჩხუმსა და ქვემო სვანეთში [226], მცხეთა-მთიანეთსა [845] და გურიაში [885].
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
