მთავარი,სიახლეები

ქვეყანაში რუსეთის 1 856 237 მოქალაქე შემოვიდა და გავიდა 1 887 223 – შსს სტატისტიკა

23.01.2024 • 3142
ქვეყანაში რუსეთის 1 856 237 მოქალაქე შემოვიდა და გავიდა 1 887 223 – შსს სტატისტიკა

2023 წელს საქართველოში რუსეთის 1 856 237  მოქალაქე შემოვიდა და 1 887 223 – გავიდა, – ასეთია შს სამინისტროს მიერ გამოქვეყნებული საზღვრის კვეთის სტატისტიკა.

სამინისტრო ყოველ კვარტალში აქვეყნებს საზღვრის კვეთის შესახებ მონაცემებს. ჯამში, კვარტლების მიხედვით, რუსეთის მოქალაქეების მიერ საქართველოში საზღვრის კვეთის სტატისტიკა ასეთია:

  • I კვარტალი – 298 285 შემოსვლა, 320 236 გასვლა
  • II კვარტალი – 443 624 შემოსვლა, 427 443 გასვლა
  • III კვარტალი – 766 278 შემოსვლა, 780 514 – გასვლა
  • VI კვარტალი – 348 050 შემოსვლა, 359 030 – გასვლა

საქართველოს შს სამინისტროს მონაცემებმა რუსული მედიის ყურადღებაც მიიქცია. რუსული მედია ხაზს უსვამს, რომ საქართველო შემომსვლელზე უფრო მეტმა რუსეთის მოქალაქემ დატოვა. ზოგიერთი რუსული საინფორმაციო სააგენტო ამის მიზეზად საქართველოში გაზრდილ ფასებს ასახელებს.

საქართველოში რუსეთის მოქალაქეების მასობრივი შემოსვლა 2022 წლის თებერვლის ბოლოს დაიწყო, მას შემდეგ, რაც რუსეთის ფედერაცია თავს დაესხა უკრაინას და ომი დაიწყო. სტატისტიკის თანახმად, 2022 წელს საქართველოში შემოვიდა რუსეთის 1 459 541 მოქალაქე და ეს იყო 401 პროცენტიანი ზრდა 2021 წელთან შედარებით. შს სამინისტროს 2022 წლის სტატისტიკაში არ არის მითითებული რუსეთის რამდენმა მოქალაქემ დატოვა საქართველო 2022 წელს.

_______________

ფოტოზე: ლარსი, საქართველო-რუსეთის სასაზღვრო გამშვები პუნქტი. 2022 წელი. ფოტო: EPA-EFE/ზურაბ ქურციკიძე

გადაბეჭდვის წესი


ასევე: