დაიღუპა ძაღლი, რომელსაც ოპერაცია გაუკეთეს. ამის შესახებ ინფორმაციას ცხოველთა უფლებადამცველი მიშა კაჭკაჭიშვილი ავრცელებს.
ძაღლი მოქალაქეებმა 24 დეკემბერს იპოვეს ბაღდათში, რომელსაც, სავარაუდოდ, ბლაგვი საგნით თავის ქალა ჰქონდა დაზიანებული.
ოპერაციის შემდეგ ექიმებმა ძაღლს თავის ტვინიდან ჰემატომა ამოუღეს, თუმცა ამბობდნენ, რომ თავის ქალის ძვლები დალეწილი იყო და ტვინი დეკომპრესირებული.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 259-ე მუხლით მიმდინარეობს, რაც გულისხმობს ცხოველის წამებას, მისდამი სასტიკ მოპყრობას ან სხვაგვარ ძალადობას.
